تمام نعمتوں کے لیے الحمدللّٰہ:شانزے لودھی نے جذباتی پوسٹ شیئرکردی
برسوں سے اس لمحے کیلیے ترس رہی تھی، خانہ کعبہ کو چھونے کا احساس ناقابل بیان تھا
Stay tuned with 24 News HD Android App
(ویب ڈیسک)معروف اداکار، میزبان اور ماڈل عمر شہزاد کی دلہن ماڈل و اداکارہ شانزے لودھی خانہ کعبہ میں نکاح کی دیرینہ خواہش پوری ہونے پر جذباتی ہو گئیں۔
فوٹو اینڈ ویڈیو شیئرنگ پلیٹ فارم انسٹاگرام پر ماڈل نے خانہ کعبہ کو ہاتھ لگاتے ہوئے تصویر شیئر کی جس میں ان کے شوہر اداکار عمر شہزاد بھی ان کے ساتھ ہی موجود ہیں۔
سوشل میڈیا پوسٹ میں تصویر کے ساتھ ایک مختصر ویڈیو بھی شیئر کی گئی ہے جس میں بیت اللّٰہ نظر آ رہا ہے۔
پوسٹ کے کیپشن میں انہوں نے اپنے جذبات کا اظہار کرتے ہوئے لکھا کہ برسوں سے میں اس لمحے کے لیے ترس رہی تھی کہ میں اپنے پیاروں کے ساتھ خانہ کعبہ کے سامنے کھڑی ہو سکوں، اس لمحے کے لیے دعا مانگ رہی تھی اور آخر کار میری تمام دعاؤں کا جواب مجھے بہت خوبصورت انداز میں مل گیا۔
اداکارہ نے لکھا کہ جب میری دعائیں قبول ہوئیں تو یہ میرے لیے سب سے خوبصورت نعمت تھی جس نے میرے دل کو شکر گزاری سے بھر دیا،اپنے شوہر کے ساتھ پہلی بار خانہ کعبہ کو چھونے کا احساس ناقابل بیان تھا۔
یہ بھی پڑھیں:سونیاحسین دلہن بن گئیں،خاموشی پرمداح تذبذب کاشکار
شانزے لودھی نے مزید کہا کہ تمام نعمتوں کے لیے الحمدللّٰہ اس محبت اور میرے خوابوں کی تکمیل کے لیے،اللّہ تیرا شکر ہے کہ آپ نے یہ میری قسمت میں لکھا۔