(ویب ڈیسک) معروف اداکارہ ہاجرہ یامین نے اپنے بچپن سے متعلق دلچسپ انکشاف کردیا ۔
اداکارہ ہاجرہ یامین نے حال ہی میں ایک نجی ٹی وی چینل کو انٹرویو دیا ہے جس میں انہوں نے بطور اداکارہ اپنے کیریئر کے آغاز سے متعلق گفتگوکرتے ہوئے متعدد سوالات کے جواب بھی دیئے۔
اداکارہ ہاجرہ یامین نے ایک سوال کے جواب میں بتایا کہ میری پیدائش ملتان میں ہوئی تھی،میرے والد کی ایئر لائنز میں ملازمت تھی، اسی لیے بعد میں ہم سعودی عرب کے شہر جدہ شفٹ ہو گئے تھے.
معروف اداکارہ نے بتایا کہ بچپن میں جدہ سے مکہ سے مدینہ کا بہت سفر کیا، باقی لوگ عمرہ کر رہے ہوتے تھے اور میں حرم شریف میں چور پولیس کھیلا کرتی تھی۔
یہ بھی پڑھیں:تمام نعمتوں کے لیے الحمدللّٰہ:شانزے لودھی نے جذباتی پوسٹ شیئرکردی
ہاجرہ یامین نےمزید بتایا کہ میرا جدہ میں بہت محفوظ اور اچھا بچپن گزرا تھا، میں نے بہت سی چیزیں پاکستان آ کر سیکھی ہیں۔