(سفیر رضا) آزادکشمیر کی دارالحکومت مظفرآباد کے نواحی علاقے کیل گراں مجہوتر میں مسافر بردار گاڑی گہری کھائی میں گرنے سے 6 افراد جاں بحق اور متعدد زخمی ہوئے۔
تفصیلات کے مطابق تحصیل نصیر آباد کے نواحی علاقے کیل گراں مجہوتر میں مسافر بردار گاڑی کو افسوسناک حادثہ پیش آیا ،گاڑی گہری کھائی میں جا گری جس کے نتیجے میں 6افراد جاں بحق جبکہ 4 زخمی ہوئے ہیں،حادثے کی اطلاع ملتے ہی مقامی لوگوں نے امدادی کارروائیاں شروع کردی ہیں جبکہ تحصیل ہیڈکوارٹر نصیر آباد سے ریسیکیو 1122 کی ٹمییں بھی جائے حادثہ پر پہنچ گئی ہیں۔
ریسکیو 1122 کے ایک اہلکار نے 24 نیوز کو ٹیلی فون پر بتایا ہے کہ مقامی لوگوں نے زخمیوں کو قریبی ہسپتال منتقل کردیا ہے اور جاں بحق افراد کی میتیں بھی جائے حادثہ سے منتقل کر دی گئی ہیں۔
یہ بھی پڑھیں:دلہاسمیت 26افرادجاں بحق، دلہن شدید زخمی،کوسٹر حادثے کی سرکاری رپورٹ جاری
ریسکیو 1122 کےمطابق مقامی لوگوں نے زخمی ہونے والے کو قریبی ہسپتال منتقل کردیا اور جاں بحق افراد کی میتیں بھی جائے حادثہ سے منتقل کر دی گئیں۔
حادثے کا شکار ہونے والی مسافر جیپ مکمل تباہ ہو گئی۔