ربیکا خان نے حسین ترین سے جلد شادی کرنے کا عندیہ دیدیا
Stay tuned with 24 News HD Android App
(ویب ڈیسک)معروف ٹک ٹاکر، یوٹیوبر اور کانٹینٹ کری ایٹر ربیکا خان نے منگیتر حسین ترین سے جلد شادی کا عندیہ دے دیا۔
معروف کامیڈین کاشف خان کی بیٹی ربیکا خان نے حال ہی میں نجی ٹی وی کی پوڈکاسٹ میں شرکت کی اوراس موقع پر اپنی نجی و پیشہ وارانہ زندگی سے متعلق متعدد سوالات کے جواب دیے۔
منگیتر حسین ترین سے متعلق پوچھے گئے سوال کے جواب میں ربیکا خان نے بتایا کہ حسین میری پسند ہیں اور میں نے بعد میں انہیں گھر والوں کی بھی پسند بنا دیا۔
انہوں نے بتایا کہ مجھے حسین ترین بہت پسند ہیں،ان کی بالکل ایسی شخصیت ہے جیسی مجھے بطور ہمسفر چاہیے تھی، وہ بہت مثبت سوچ کے مالک ہیں۔
شادی سے متعلق پوچھے گئے سوال کے جواب میں معروف ٹک ٹاکر نے بتایا کہ انشاء اللّٰہ ہم جلد شادی کرنے والے ہیں۔
یہ بھی پڑھیں:ایشوریا رائے کی بیٹی کی فلمی دنیا میں انٹری؟نجومی نے بڑی پیشگوئی کردی
دوسری جانب ربیکا خان نے اپنے انسٹاگرام اکاؤنٹ پر کئی ویڈیوز اور تصویریں اپ لوڈ کرتے ہوئے بتایا ہے کہ میرے سسرال سے یہ آخری عیدی آئی ہے،ربیکا خان کی ان پوسٹس سے معلوم ہوتا ہے کہ یہ جوڑا آئندہ عید سے قبل شادی کر لے گا۔