گندم کےکاشتکاروں کو براہ راست گندم سپورٹ فنڈکے تحت 15ارب روپے کے فنڈز کی منظوری
Stay tuned with 24 News HD Android App
(راو دلشاد) وزیراعلیٰ پنجاب گندم پیکج سے صوبے میں گندم کے ساڑھے 5 لاکھ کاشتکاروں کو براہ راست گندم سپورٹ فنڈکے تحت 15ارب روپے کے فنڈز کی منظوری دے دی گئی۔
وزیراعلی مریم نوازنےاس سال گندم کے کاشتکاروں کے لئے ابیانہ اور فکس ٹیکس میں چھوٹ کا اعلان کیا ہے،گندم کے کاشتکاروں کو کسان کارڈ کے ذریعے ڈائریکٹ فنانشل سپورٹ دی جائے گی،گندم کو موسمی اثرات اورکسانوں کومارکیٹ کے دباؤ سے محفوظ رکھنے کے لئے چار ماہ مفت سٹوریج کی سہولت مہیا کی جائے گی۔
ای ڈبلیو آر (EWR)(الیکٹرانک وئیر ہاؤسنگ ریسیٹ)سسٹم کے نفاذ کا فیصلہ کیاگیا ہے ای ڈبلیو آر(EWR) سسٹم کے تحت گندم سٹور کرنے والے کاشتکاروں کو الیکٹرانک چٹ ملے گی، 24گھنٹے کے اندر چیک کی مانند یہ رسیدبینک کو دے کر ٹوٹل لاگت کا 70فیصد تک قرض لیا جا سکے گا۔
گندم خریداری کے لئے فلور ملز اور گرین لائسنس ہولڈرز کو100ارب روپے تک بنک آف پنجاب سے حاصل کردہ قرضوں کا مارک اپ ادا کرنے کا فیصلہ بھی کیا ہے، فلور مل اور گرین لائسنس ہولڈرز کوگندم کی فوری اور لازمی خریداری اور سٹوریج کی مجموعی کیپسٹی کے 25فیصد تک لازمی گندم سٹور رکھنے کے لئے فوری طور پرکابینہ سے منظوری،گندم اور گندم سے تیار شدہ اشیاء کی ایکسپورٹ کے لئے وفاقی حکومت سے رابطہ کرنے کا بھی فیصلہ کیا گیا ہے۔
صوبائی اور ضلعی سرحدوں پر گندم اور آٹا کی نقل وحمل پر پابندی ختم کردی گئی ہے ، پرائیویٹ سیکٹر کو گندم سٹوریج کے لئے ویئر ہاؤس کی بحالی اور تعمیر کے لئے بنک آف پنجاب فنانسنگ کرے گا،گندم کے کاشتکاروں کو سٹوریج کی سہولت مہیا کرنے کے لئے5ارب روپے کا مارک اپ حکومت پنجاب ادا کرے گی۔
وزیراعلیٰ مریم نواز نے عزم کیا ہے کہ کسان کا نقصان نہیں ہونے دوں گی، اگر کاشتکار نے گندم لگائی ہے تو گندم کےکاشتکار کو بھر پور معاوضہ ملے گا،کاشتکار ہمارے بھائی ہیں ، ہر دم ان کے ساتھ ہیں اور رہیں گے۔
یہ بھی پڑھیں: سرمایہ کاری درجہ بندی میں بہتری خوش آئند ہے، مگر ہمیں ابھی مزید محنت کرنی ہے،شہباز شریف