تحریک انصاف کا عید کے بعد احتجاجی تحریک چلانے کا اعلان

(عثمان خادم کمبوہ)پاکستان تحریک انصاف کا عید کے بعد ملک گیر احتجاجی تحریک چلانے کا اعلان۔پی ٹی ائی رہنما اور ،پنجاب اسمبلی میں اپوزیشن لیڈر ملک احمد خان بھچر نے ویڈیو پیغام جاری کردیا۔

رپورٹ کے مطابق ملک احمد خان بھچر نے اپنے ویڈیو پیغام میں کہا کہ عیدکے بعد تحریک انصاف ایک بھرپور احتجاجی تحریک کا آغاز کرے گی، بانی پی ٹی آئی کی ہدایت کے مطابق سیاسی جماعتوں سے مشاورت کے بعد نئی تحریک شروع کریں گے،ہم احتجاجی تحریک کیلئے اپنی تیاریاں ابھی سے شروع کررہے ہیں۔ 

انہوں نےمزید کہا کہ وکلاء اور سیاسی جماعتوں سے رابطہ کرکے ایک بھرپور تحریک چلائیں گے، ملک پر مسلط افراد کے پاس عوامی مینڈیٹ نہیں ہے،ہماری تحریک اس حکومت کے خاتمے تک جاری رہے گی، اپوزیشن لیڈ نے کہا کہ ایک نالائق ترین وزیراعلیٰ پنجاب کو چلارہی ہیں۔ 

یہ بھی پڑھیں:طالبہ کو جنسی ہراساں کرنے کی شکایت پر یونیورسٹی پروفیسر گرفتار