وزیر اعظم شپ بلاول بھٹو کے قریب، پیپلز پارٹی سے بہتر کوئی جماعت نہیں،گورنر پنجاب 

(24)  گورنر پنجاب سردار سلیم حیدر خان نے کہا ہے کہ پیپلز پارٹی سے بہتر کوئی جماعت نہیں ،وزیر اعظم شپ بلاول بھٹو کے قریب ہے، سال دو سال میں بلاول بھٹو وزیر اعظم بن جائیں گے۔

 رپورٹ کے مطابق ضلع اٹک کی تحصیل پنڈی گھیپ میں عوام کے اجتماع سے خطاب کرتے ہوئے گورنر پنجاب نے کہا  پیپلز پارٹی کے علاوہ دوسری جماعتوں کی لیڈر شپ میں وزراء سمیت اراکین اسمبلی سے ہاتھ ملاتے وقت فرعونیت کی جھلک نظر آتی ہے۔نہوں نے کہا کہ جہاں عوام کے حقوق اور ایشوز کی بات ہوگی، عوام کے ساتھ کھڑا ہوں اور کھڑا رہوں گا۔ دہشت گردی کیخلاف جنگ میں پوری قوم پاک فوج کے ساتھ کھڑی ہے، پاک فوج اور دیگر سکیورٹی فورسز دہشت گردی کے خلاف شہادتیں دے رہیں ہیں، پیپلزپارٹی اور پاکستانی عوام انہیں خراج تحسین پیش کرتی ہے، کل، آج اور آنے والے وقت میں اپنے اداروں کے ساتھ کھڑا ہوں۔ہر طرف سے یہی کوشش ہے کہ پاکستان واحد ایٹمی پاور ہے اسے ختم ہونا چاہئے اگر یہ قائم ہے تو پاکستان کی مضبوط فوج کی وجہ سے ہے۔

سردار سلیم حیدر خان نے مزید کہا  کہ اٹک کے جوانوں نے فوج میں شامل ہو کر ملک کی خدمت کی اور اپنی جانوں کا نذرانہ پیش کیا ہے۔دو چار سڑکیں اور فنڈ کی منتیں کرنے کا عادی نہیں، جب بلاول بھٹو وزیر اعظم بنیں گے تب زیادہ فنڈز اٹک میں استعمال کریں گے، اٹک کے عوام ترقیاتی کاموں سے محروم ہیں۔
یہ بھی پڑھیں:تحریک انصاف کا عید کے بعد احتجاجی تحریک چلانے کا اعلان