جماعت اسلامی نے پٹرولیم مصنوعات کی قیمتوں میں اضافہ مسترد کر دیا
![جماعت اسلامی نے پٹرولیم مصنوعات کی قیمتوں میں اضافہ مسترد کر دیا](https://www.24urdu.com/digital_images/large/2024-07-16/news-1721118036-3773.jpg)
Stay tuned with 24 News HD Android App
![Get it on Google Play](https://play.google.com/intl/en_us/badges/static/images/badges/en_badge_web_generic.png)
(24نیوز)جماعت اسلامی نے حکومت کی طرف سے پٹرولیم مصنوعات کی قیمتوں میں اضافے کو مسترد کر دیا۔
اپنے ایک بیان میں ترجمان جما عت اسلامی قیصر شریف کا کہنا تھا ہے کہ پٹرولیم مصنوعات کی قیمتوں میں اضافہ عوام پر ظلم ہے لہذا کسی صورت برداشت نہیں کر سکتے، عوام دشمن اقدامات کے خلاف حق دو عوام کو تحریک چلا رہے ہیں۔
ان کا کہنا تھا کہ جماعت ا سلامی 26 جولائی کو اسلام آباد میں دھرنا دے گی اور امیر جماعت اسلامی حافظ نعیم الرحمان اس دھرنے کی قیادت کریں گے، عوامی حقوق کے لیے سڑکوں پر نکلیں گے، عدالتوں میں بھی جائیں گے اور مطالبات کی منظوری تک دھرنے سے نہیں اٹھیں گے۔
یہ بھی پڑھیں:وزیر داخلہ کی بنوں حملہ کی مذمت ، شہدا کو خراج عقیدت پیش
قیصر شریف کا کہنا تھا کہ دھرنے میں علمائے کرام، وکلا، تاجر اور صنعتکار بھی شریک ہوں گے جبکہ کسانوں اور مزدوروں سمیت تمام شعبہ ہائے زندگی سے تعلق رکھنے والے افراد شرکت کریں گے۔
ان کا کہنا تھا کہ امیر جماعت اسلامی حافظ نعیم الرحمان عاشورہ کے بعد صوبائی ہیڈکوارٹرز کا دورہ کریں گے جبکہ عوامی موبلائزیشن کیلئے بڑے شہروں کا بھی دورہ کریں گے۔
ترجمان جماعت اسلامی کا مزید کہنا تھا کہ دھرنے میں شرکت کیلئے ہر شعبے کی نمایاں شخصیات سے ملاقاتیں کی جائیں گی، سیاسی پارٹیاں اگر دھرنے میں شرکت کرنا چاہیں تو کوئی مضائقہ نہیں۔