ڈونلڈ ٹرمپ نے امریکا میں 1798 کا ایلین اینیمیز ایکٹ نافذکردیا

(ویب ڈیسک)امریکی صدر ڈونلڈ ٹرمپ نے ملک میں 1798 کا ایلین اینیمیز ایکٹ نافذ کردیا۔

میڈیا رپورٹس کے مطابق ڈونلڈ ٹرمپ کے اس اقدام کا مقصد غیرملکی دہشت گرد تنظیم Tren de Aragua کو ہدف بنانا ہے۔ 

اس سے پہلے وفاقی جج نے حکم دیا تھا کہ یہ قانون وینزویلا کے 5 شہریوں کو بے دخل کرنے کے خلاف استعمال نہیں کیا جاسکے گا۔

امریکی میڈیا کے مطابق جنگی حالت کا یہ قانون اس بات کی اجازت دیتا ہے کہ دشمن ملک کے شہریوں اور مقامی افراد کو بغیر سماعت کیے ڈی پورٹ کردیا جائے، اس سے پہلے اس قانون کا 1812 میں ہونے والی جنگ،جنگ عظیم اوّل اور جنگ عظیم دوم کے دوران اطلاق کیا گیا تھا۔

یہ بھی پڑھیں:امریکی صدر کے حکم پر یمن میں حوثیوں کے ٹھکانوں پر حملے،24 افراد ہلاک

اعلامیے کےمطابق ٹرمپ انتظامیہ کے حالیہ اقدام کے نتیجے میں وینزویلا کے تمام ایسے شہری جن کی عمر 14 برس یا اس سے زیادہ ہو اور وہ TdAکے رکن ہوں، امریکا میں موجود ہوں اور امریکا میں قانونی طورپر مستقل شہریت نہ رکھتے ہوں تو انہیں گرفتارکیا جاسکے گا اور ملک سے نکالا جاسکے گا۔