کترینہ کیف فلموں میں آئٹم سانگز کے حق میں بول پڑیں

(24 نیوز)بالی ووڈ کیٹ کترینہ کیف نے فلموں میں آئٹم سانگز کو ضروری قرار دے دیا۔

'اگنی پتھ' کے گانے چکنی چمیلی کے متعلق بتایا کہ یہ سب اس بات پر منحصر ہے کہ آپ آئٹم سانگ کو پرفارم کرتے وقت کیا محسوس کرتے ہیں، میں آپ کو بتا سکتی ہوں کہ میں نے چکنی چمیلی میں کبھی بھی کوئی "اعتراض" محسوس نہیں کیا۔

ان کا مزید کہنا تھا کہ میں نے اس گانے کو انجوائے کیا، میں نے رقص کو انجوائے کیا اور جو کچھ میں کر رہی تھی، اس سے خوش تھی مجھے کبھی بھی ایسا محسوس نہیں ہوا کہ میں آبجیکٹیفکیشن کا شکار ہوں یا کوئی مجھ پر غلط نظر ڈال رہا ہے۔

کترینہ نے اس بات کی مزید وضاحت دیتے ہوئے کہا کہ جب بھی مجھے ایسے گانے پیش کیے جاتے ہیں جن کا کوئی واضح مقصد یا تناظر نہ ہو تو میں ان گانوں کو مسترد کر دیتی ہوں۔

اداکارہ کا کہنا تھا کہ میرے مطابق ہمیں یہ نہیں سوچنا چاہئے کہ ہر وہ گانا جس میں ایک عورت اپنی خود کی تعریف کرتی ہے اور پرفارم کرتی ہے وہ گانا خواتین کو آبجیکٹیفکیشن کا شکار بنا رہا ہے یا نہیں، یہ سب اس بات پر منحصر ہے کہ اس گانے کو کس زاویے سے اور کس لینس سے دیکھا جا رہا ہے‘۔کترینہ کا کہنا تھا کہ ‘آئٹم سانگز کی تعریف یا تنقید اس بات پر منحصر ہوتی ہے کہ انہیں کس تناظر میں پیش کیا جارہا ہے، اگر گانے میں فیمیل ڈانسر کو پرفارم کرنے کی آزادی اور خود اعتمادی کے ساتھ پیش کیا جائے تو اسے آبجیکٹیفکیشن نہیں سمجھنا چاہئے۔

واضح رہے کہ آئٹم سانگ 'چکنی چمیلی' سال 2012 میں ریلیز ہونے والی ریتیک روشن کی فلم ‘اگنی پتھ‘ کا حصہ تھا۔اس گانے میں کترینہ کیف کی پرفارمنس نے مداحوں کو حیران کن انداز میں متاثر کیا تھا۔

یہ بھی پڑھیں:انڈین اداکارہ حنا خان نے عمرہ کی سعادت حاصل کرلی