(راؤدلشاد)آئینی ترمیم کے حوالے سے مشاورت کرنے کیلئے وزیر اعظم شہباز شریف اسلام آباد سے لاہور پہنچ گئے،مولانافضل الرحمان بھی جاتی امرا میں ہونے والے اہم اجلاس میں شرکت کیلئے روانہ ہوگئے۔
شنگھائی تعاون تنظیم اجلاس میں خطے کی نمائندگی اور سربراہی جیسے مصروفیات ختم ہوتی ہی ملکی سیاسی درجہ حرارت میں ایک مرتبہ پھر تبدیلی نظر آرہی ہے، اس سلسلے میں آئینی ترمیم کے حوالے سے مشاورت کیلئے وزیر اعظم شہباز شریف لاہور پہنچ گئے جہاں جاتی امرا میں نواز شریف کے رہائش گاہ پر اہم بیٹھک میں شریک ہونگے، اس اہم اجلاس میں سربراہ جمعیت علمائے اسلام (جے یو آئی )مولانا فضل الرحمان اور پاکستان پیپلز پارٹی( پی پی پی ) کے چیئرمین بلاول بھٹو زرداری بھی شریک ہونگے، مولانا فضل الرحمان سابق وزیراعظم نوازشریف سے ملاقات کیلئے روانہ ہوگئے،مولانا فضل الرحمان کچھ دیر میں رائیونڈ پہنچیں گے جہاں وہ نوازشریف سے ون ان ون ملاقات کریں گے۔
علاوہ ازیں مولانا فضل الرحمان، نواشریف، صدر مملکت آصف علی زرداری، وزیراعظم شہبازشریف، بلاول بھٹو زرداری کی مشترکہ ملاقات بھی ہوگی،نواز شریف کی دعوت پر چیئرمین بلاول بھٹو اور مولانا فضل الرحمان عشائیے میں خصوصی شرکت کریں گے۔
یہ بھی پڑھیں: اسحاق ڈار اور بھارتی وزیر خارجہ میں کیا گفتگو ہوئی ؟ وزارت خارجہ کا اہم بیان آگیا