سات ممالک کے شہریوں پر یورپ میں پناہ لینے پر پابندی لگ گئی

(ویب ڈیسک) یورپی یونین نے سات ممالک کے شہریوں پر یورپ میں پناہ لینے پر پابندی عائد کر دی۔

یورپی یونین نے سات ممالک کو محفوظ قرار دیتے ہوئے فہرست جاری کردی ہے جس کا مقصد ان ملکوں کے شہریوں کی پناہ گزین درخواستوں کو ناقابل جواز تصور کر کے جلد نمٹانا اور انہیں واپس بھیجنے کا عمل تیز کرنا ہے۔

اس فہرست میں بھارت، بنگلہ دیش، مراکش، کوسوو، کولمبیا، مصر اور تیونس شامل ہیں، یورپی پارلیمان اور رکن ممالک کی منظوری کے بعد ہی اس پر عملدرآمد کیا جائے گا۔

یورپی کمیشن کا کہنا ہے کہ اس سے رکن ممالک کو یہ سہولت ملے گی کہ وہ ان سات ممالک کے شہریوں کی پناہ گزین درخواستوں کو تیزی سے نمٹا سکیں۔

یہ بھی پڑھیں:80 سالہ شخص نے 79 سالہ خاتون سےمحبت کے بعدشادی کر لی

یورپی یونین کے کمشنر برائے مہاجرین میگنس برونر کا کہنا تھا کہ کئی رکن ممالک کو پناہ گزین درخواستوں کے بڑے بیک لاگ کا سامنا ہے، اس لئے جلد اور تیز فیصلے ضروری ہیں،مصر اور تیونس جیسے ملکوں کو فہرست میں شامل کرنے پر خاصی تنقید ہوئی ہے، ان ملکوں میں انسانی حقوق کی صورتحال پر عالمی ادارے کئی بار سوال اٹھا چکے ہیں۔