( 24 نیوز)بگ بیش لیگ میں برسبین ہیٹ اور ہوبارٹ ہریکینز کے میچ کے دوران سٹیڈیم میں معمولی آگ لگنے سے کھیل کچھ دیر کے لیے روک دیا گیا۔
برسبین ہیٹ کے 202 رنز کے جواب میں ہوبارٹ ہریکینز ہدف کا تعاقب کر رہی تھی کہ چوتھے اوور کے اختتام پر سٹیڈیم میں ڈی جے اسٹینڈ کے قریب معمولی آگ بھڑک اٹھی۔
سٹینڈ کے قریب آگ لگنے سے شائقین میں خوف و ہراس پھیل گیا تاہم منتظمین نے کچھ دیر بعد آگ پر قابو پا لیا اور کھیل دوبارہ شروع ہوا۔
مزید پڑھیں:مسلم کھلاڑی پر گوتم گمبھیر کا الزام، ہربھجن سنگھ میدان میں آگئے
واضح رہے کہ لیگ میچ میں برسبین ہیٹ نے ہوبارٹ ہریکینز کے خلاف پہلے بیٹنگ کرتے ہوئے 6 وکٹوں کے نقصان پر 201 رنز بنائے تھے۔
ہوبارٹ ہریکینز کی نمائندگی کرنے والے آسٹریلوی بلے باز مارنس لبوشین نے 77 رنز کی شاندار اننگز بھی کھیلی۔