(24 نیوز)پاکستانی اداکارہ عائزہ خان نے اداکارہ ہانیہ عامر کو انسٹاگرام فالوورز کی گنتی میں ایک مرتبہ پھر پیچھے چھوڑ دیا۔
رواں ہفتے کے آغاز پر ہانیہ عامر نے فالوورز کی تیزرفتاری سے بڑھتی ہوئی تعداد کے ساتھ عائزہ خان کو سخت ٹکر دی تھی اور تقریباً ان کے برابر ہی آکھڑی ہوئی تھیں۔
ماہِ اپریل سے عائزہ خان کے انسٹاگرام فالوورز کی تعداد 13 اعشاریہ 9 ملین رہی اور وہ اس گنتی کے ساتھ پاکستانی شوبز ستاروں میں سب سے زیادہ فالوورز کی حامل اداکارہ کا اعزاز اپنے سر سجائے نظر آئیں۔
جہاں عائزہ خان سب سے زیادہ فالوورز کے ساتھ فہرست میں پہلے نمبر پر تھیں وہیں اپریل تک ہانیہ عامر اس فہرست میں 13 اعشاریہ ایک ملین فالوورز کے ساتھ دوسرے نمبر پر تھیں لیکن 12 مئی کی رات ہانیہ عامر ایک بڑی چھلانگ لگاتے ہوئے ایک ہی ماہ میں تقریباً 40 لاکھ نئے فالوورز حاصل کرنے کے بعد 13 اعشاریہ 9 ملین فالوورز کیساتھ عائزہ خان کے برابر آکھڑی ہوئیں۔
دونوں کے فالوورز کی تعداد میں تقریباً 89 ہزار 477 کا غیر معمولی فرق تھا جس کے متعلق کہا جارہا تھا کہ ہانیہ کے فالوورز کی تعداد میں جس تیز رفتاری سے اضافہ ہورہا ہے وہ چند ہی دنوں میں عائزہ خان کو پیچھے چھوڑ دیں گی لیکن تاحال ایسا نہ ہوسکا۔
یہ بھی پڑھیں:وزیر اعلیٰ بلوچستان نے پاکستان لٹریچر فیسٹیول واقعہ پرماہرہ خان سے معافی مانگ لی
عائزہ خان کے فالوورز کی تعداد اب 14 ملین ہوچکی ہے جبکہ ہانیہ عامر ان سے 44 ہزار 287 فالوورز کی کمی کے سبب پیچھے ہیں اور ابھی بھی 13 اعشاریہ 9 ملین فالوورز کی حامل ہیں۔
یاد رہے کہ عائزہ خان اور ہانیہ عامر میں چند روز قبل فرق 89ہزار 477 تھا لیکن ہانیہ عامر نے چند ہی دنوں میں تقریباً 40ہزار سے زائد فالوورز حاصل کر کے یہ فرق مزید کم کر دیا ہے۔