(ویب ڈیسک) انسٹنٹ میسیجنگ ایپلی کیشن واٹس ایپ پر اسٹیٹس اپڈیٹ نوٹیفکیشن رمائنڈر کے فیچر کی آزمائش شروع کردی گئی۔
واٹس ایپ اپڈیٹس پر نظر رکھنے والی ویب سائٹ کے مطابق مذکورہ فیچر کے تحت صارفین کو اپنے دوستوں کی جانب سے اسٹیٹس یا سٹوری اپڈیٹ کیے جانے پر نوٹیفکیشن موصول ہوگا۔
مذکورہ فیچر کے تحت جیسے ہی کوئی واٹس ایپ اسٹیٹس یا سٹوری شیئر کرے گا تو دوسرے صارف کے پاس نوٹیفکیشن چلا جائے گا، تاہم نوٹیفکیشن کو بند بھی کیا جا سکے گا۔
مذکورہ فیچر کے تحت صارف کے پاس سیٹنگ میں جاکر اسٹیٹس یا سٹوری رمائنڈر نوٹیفکیشنز کو بند کرنے کا آپشن بھی ہوگا۔
علاوہ ازیں صارفین کے پاس یہ اختیار بھی ہوگاکہ وہ سیٹنگ میں تمام کے بجائے محدود صارفین کے اسٹیٹس یا سٹوری اپڈیٹ کے نوٹیفکیشن کو بھی آن کریں۔
یہ بھی پڑھیں : دھند اور سموگ، لاہور کادنیا کے آلودہ ترین شہروں کی فہرست میں دوسرا نمبر
سٹوری یا اسٹیٹس اپڈیٹس رمائنڈر نوٹیفکیشن کی آزمائش تک محدود اینڈرائیڈ صارفین کو رسائی دی گئی ہے، تاہم مذکورہ فیچر کو کب تک متعارف کرایا جائے گا، اس حوالے سے کچھ بھی کہنا قبل از وقت ہے۔
مذکورہ نوٹیفکیشن رمائنڈر فیچر بالکل ایسے ہی کام کرے گا جیسے ابھی واٹس ایپ سٹوری یا اسٹیٹس کو لائیک کرنے کا نوٹیفکیشن فیچر کام کرتا ہے۔