دوسرا ٹی 20؛فیلڈنگ کے دوران بابر اعظم کو تماشائیوں کے سخت جملوں کا سامنا

(24نیوز)گزشتہ روز پاکستان آسٹریلیا کے دوسرے ٹی ٹوئنٹی میچ کے دوران سٹار بیٹر بابر اعظم کو تماشائیوں کی جانب سے ٹیم سے نکل جاؤ جیسے منفی نعروں کا سامنا کرنا پڑا جس کی ویڈیو سوشل میڈیا پر وائرل ہو رہی ہے۔

ویڈیو میں دیکھا جا سکتا ہے کہ بابر اعظم باؤنڈری کے پاس فیلڈنگ پر موجود تھے جہاں شائقین کرکٹ نے ان پر لفظی گولا باری اور ان کے خلاف نعرے بازی کی ، تاہم بابر اعظم نے کسی بھی تماشائی کو جواب نہ دیا اور فیلڈنگ پر دھیان دیتے رہے۔

یہ بھی پڑھیں:سابق کرکٹر کو قومی وائٹ بال کرکٹ ٹیم کا ہیڈ کوچ مقرر کر دیا گیا

سوشل میڈیا پر وائرل ہونے والی ویڈیو میں تماشائی بابر اعظم کو یہ کہتے ہیں کہ ’تیری ٹی ٹوئنٹی میں جگہ نہیں بنتی۔‘

یاد رہے کہ آسٹریلیا کے خلاف ابتدائی دو ٹی ٹوئنٹی میچز میں بابر اعظم سنگل رن ہی سکور کرسکے جس کے باعث تماشائیوں نے انہیں نامناسب انداز میں پکارا۔

خیال رہے تین میچز پر مشتمل سیریز کا آخری میچ کل کھیلا جائے گا۔

یہ بھی پڑھیں:ایک اور استعفیٰ آگیا