نہیں ابھی نہیں،25یا 26 سال کی عمر میں شادی کا سوچوں گی:عینا آصف

(ویب ڈیسک)اُبھرتی ہوئی اداکارہ و ماڈل عینا آصف نے کہا ہے کہ ابھی ان کی شادی کی عمر نہیں ہے، وہ 25 یا 26 سال کی عمر میں شادی کرنے کا سوچیں گی۔

عینا آصف نے حال ہی میں ندا یاسر کے مارننگ شو میں شرکت کی،پروگرام میں جب میزبان نے پوچھا کہ ان کا شادی سے متعلق کیا خیال ہے، وہ کیا سوچتی ہیں کہ شادی کس عمر میں کی جانی چاہیے تو عینا آصف نے شرماتے ہوئے پروگرام میں موجود ساتھی اداکاروں ثمر جعفری اور ابوالحسن کی جانب اشارہ کرتے ہوئے کہا کہ یہ لوگ شادی پر بات کر سکتے ہیں، ابھی ان کی عمر نہیں ہوئی۔

ان کی بات پر ندا یاسر نے کہا کہ شادی پر ہر کوئی بات کر سکتا ہے، وہ صرف ان کے خیالات پوچھ رہی ہیں، وہ ان کی شادی نہیں کروا رہیں۔

ندا یاسر نے عینا آصف کو مزید کہا کہ انہوں نے اپنا وزن کم کرلیا ہے، وہ پتلی ہوگئی ہیں لیکن وہ کیمرے کے سامنے شادی کے معاملے پر بات کریں،اس پر عینا آصف نے کہا کہ ابھی انہوں نے شادی سے متعلق کچھ نہیں سوچا، وہ 25 یا 26 سال کی عمر کے بعد شادی سے متعلق سوچیں گی،ابھی ان کی عمر نہیں ہوئی، وہ شادی سے متعلق 10 سال بعد سوچیں گی لیکن کب کیا ہوجائے، کچھ پتا نہیں ہوتا۔

یہ بھی پڑھیں:متنازع افطار پارٹی : بھارتی اداکار وجے کے خلاف فتویٰ جاری

اس سے قبل گزشتہ برس بھی عینا آصف نے کہا تھا کہ ابھی وہ کم عمر ہیں اور کیریئر بنانے پر توجہ دے رہی ہیں۔

عینا آصف نے جنوری 2024 میں بتایا تھا کہ ان کی عمر 15 برس ہے اور وہ نویں جماعت کی طالبہ ہیں، ابھی سے وہ لڑکوں کا سوچیں گی تو کیریئر کون بنائے گا،ساتھ ہی اس وقت عینا آصف نے بتایا تھا کہ وہ 18 سال کی عمر کے بعد ہی شادی سے متعلق سوچنا شروع کریں گی،اب انہوں نے کہا ہے کہ وہ 25 یا 26 سال کے بعد شادی سے متعلق سوچیں گی۔