عامر خان کی فلم"ستارے زمین پر" کب ریلیز ہوگی؟ تاریخ سامنے آگئی
Stay tuned with 24 News HD Android App
(ویب ڈیسک)بالی ووڈ کے مسٹر پرفیکشنسٹ عامر خان کی فلم "ستارے زمین پر" کی ریلیزکی تاریخ طے کرلی گئی۔
بھارتی میڈیا کی رپورٹ کے مطابق بالی ووڈ کے نامور اداکار عامر خان اپنی نئی فلم "ستارے زمین پر" کے ساتھ ایک بار پھر بڑی اسکرین پر جلوہ گر ہونے کو تیار ہیں۔
یہ فلم ہسپانوی فلم Campeones کا ریمیک بتائی جا رہی ہے اور اس کی ہدایت کاری آر ایس پراسانا نے کی ہے۔
رپورٹ میں بتایا گیا ہے کہ یہ فلم 20 جون 2025 کو سینما گھروں کی زینت بنے گی،یہ فلم 2007 میں ریلیز ہونے والی عامر خان کی فلم"’تارے زمین پر" کا تسلسل ہے۔ اس فلم میں عامر خان ایک باسکٹ بال کوچ کا کردار ادا کر رہے ہیں، جو ذہنی معذوری کا شکار کھلاڑیوں پر مشتمل ٹیم کو تربیت دیتا ہے۔
یہ بھی پڑھیں:نہیں ابھی نہیں،25یا 26 سال کی عمر میں شادی کا سوچوں گی:عینا آصف
کہانی میں بچوں کا ایک گروپ بھی شامل ہے جو مختلف ذاتی مسائل سے نبرد آزما ہے،فلم میں جنیلیا ڈیسوزا بھی اہم کردار میں نظر آئیں گی،پہلے اس فلم کی ریلیز 30 مئی 2025 متوقع تھی ،تاہم فلمسازوں کی جانب سے ابھی تک باضابطہ اعلان نہیں کیا گیا۔