(ویب ڈیسک) مقبول اداکار وہاج علی کی حالیہ جذباتی انسٹاگرام اسٹوری نے سوشل میڈیا صارفین کی توجہ حاصل کر لی۔
فوٹو اور ویڈیو شیئرنگ پلیٹ فارم انسٹاگرام پر شیئر کی گئی اسٹوری میں وہاج علی نے لکھا کہ اگر آنسو نکل آئیں تو خود ہی پونچھ لینا، لوگ آئیں گے تو سودا کریں گے۔
وہاج علی کے دل کو چھو لینے والے الفاظ کو مداحوں کی جانب سے خوب سراہا جا رہا ہے۔
ایک صارف نے تبصرہ کرتے ہوئے لکھا ہے کہ وہاج علی نے سچائی پر مبنی بات لکھی ہے جبکہ ایک اور صارف نے نشاندہی کی کہ یہ خوبصورت جملے دراصل سلمان خان کے والد معروف مصنف سلیم خان کے تحریر کردہ ہیں۔
یاد رہے کہ وہاج علی نجی ٹی وی کے سپر ہٹ ڈرامے "تیرے بن" کی غیر معمولی کامیابی کے بعد پاکستان کے سب سے زیادہ مقبول اداکاروں میں شمار کیے جانے لگے ہیں۔
یہ بھی پڑھیں:عامر خان کی فلم"ستارے زمین پر" کب ریلیز ہوگی؟ تاریخ سامنے آگئی
وہاج علی نے اپنی فنی زندگی کا آغاز بطور لائن پروڈیوسر کیا تھا، جہاں کئی مشہور اینکرز بشمول نادیہ خان کے ساتھ بھی کام کیا،بعد ازاں اداکاری کے میدان میں قدم رکھا اور اپنے فن سے سب کو حیران کر دیا۔