کمپٹیشن کمیشن نے پی آئی اے سے ایک کروڑ روپے جرمانہ ریکور کر لیا 

(اشرف خان)کمپٹیشن کمیشن نے پی آئی اے سے ایک کروڑ روپے جرمانہ ریکور کر لیا۔ 

جرمانہ پی آئی اے کے بینک اکاؤنٹ منجمد کرنے کے خصوصی اختیارات استعمال کرتے ہوئے ریکور کیا گیا،کمپٹیشن کمیشن نے پی آئی اے پر 2009 میں ایک کروڑ روپے جرمانہ عائد کیا تھا،جرمانہ 2008 میں حج کرایوں میں80 فیصد اضافہ پر کیا گیا تھا ۔

پی آئی اے نے کمپٹیشن کمیشن کے آرڈر کے خلاف عدالت سے اسٹے لیا ہوا تھا ،سی سی پی نے کہاکہ سپریم کورٹ نے معاملہ کمپٹیشن ایپلیٹ ٹریبونل کو بھجوا دیا،کمپٹیشن ایپلیٹ ٹریبونل نے پی آئی اے کے وکیل کی مسلسل عدم پیروی پر اپیل خارج کر دی،اپیل خارج ہونے پر کمپٹیشن کمیشن نے ی آئی اے سے جرمانہ ریکور کیا۔

یہ بھی پڑھیں:گندم کی فی من قیمت میں بڑی کمی