وزیر خارجہ کا دورہ بنگلہ دیش،تیاریاں مکمل،26 تا 28 اپریل کو بنگلہ دیش جائینگے،سفارتی ذرائع

(انور عباس ) بنگلہ دیش میں انقلاب کے بعد پاکستانی اعلی وزارتی سطح کا پہلا دورہ طے پا گیا ہے،نائب وزیراعظم و وزیر خارجہ  اسحاق ڈار کے 26 اپریل سے دورہ بنگلہ دیش کی تیاریاں مکمل کر لی گئیں, وزیر خارجہ 26 تا 28 اپریل کو بنگلہ دیش جائینگے۔ 

 سفارتی ذرائع کے مطابق دورے بنگلہ دیش کی تاریخ کو سیکرٹری خارجہ آمنہ بلوچ کے دورہ بنگلہ دیش میں حتمی شکل دی گئی,آمنہ بلوچ پاک بنگلہ دیش باہمی سیاسی مشاورت کے سلسلے میں ڈھاکہ میں موجود تھیں،ان کی گزشتہ روز ملاقاتوں میں دورے کے شیڈیول کو حتمی تاریخ دی گئی جس کے مطابق وزیر خارجہ 26 تا 28 اپریل کو بنگلہ دیش جائینگے۔ 

سفارتی ذرائع نے بتایا کہ دورےمیں نائب وزیراعظم اسحاق ڈار بنگلہ دیش کے مشیر خارجہ توحید حسین سے باضابطہ مذاکرات کرینگے,اسحاق ڈار بنگلہ دیشی قیادت سے ملاقاتیں کرینگے,بنگلہ دیش میں انقلاب کے بعد نئی قیادت پاکستان کے ساتھ ادارہ جاتی تعلقات چاہتی ہے، دورہ میں متعدد معاہدوں و مفاہمتی یاداشتوں پر دستخط کا امکان ہے۔

سفارتی ذرائع نے مز یدکہا ہے کہ دونوں ممالک دہشتگردی، منشیات اور انسانی سمگلنگ کے خلاف تعاون کے معاہدہ پر کام جاری ہے جبکہ  تعلیم و ثقافت میں تعاون، تجارتی و معاشی تعاون کے فروغ پر سمجھوتے بھی شامل ہیں۔ 

یہ بھی پڑھیں:  26 نومبراحتجاج پر  پی ٹی آئی کارکنان کیخلاف تحت درج مقدمات پر وکلا صفائی کو جرح  کرنے کی ہدایت