(توقیر اکرم) ینگ ڈاکٹرز ایسوسی ایشن نےگرینڈ ہیلتھ الائنس کےاحتجاجی دھرنا کے دوران مظاہرین پر پولیس کی جانب سےتشدد کے واقعے کے خلاف پنجاب بھر کے اسپتالوں کی او پی ڈیز بند کرنے کا اعلان کر دیا۔
تفصیلات کے مطابق صدر ینگ ڈاکٹرز ایسوسی ایشن ڈاکٹر شعیب نیازی نے پنجاب بھر کے اسپتالوں کی او پی ڈیز بند کرنے کا اعلان کرتے ہوئے کہا ہے کہ ہفتے کے روز پنجاب کے تمام اسپتالوں کے آوٹ ڈور بند رہیں گے ۔ انہوں نے کہا کہ پولیس نے طبی عملے پر تشدد کیا، اور طبی عملے پر ٹارچر کے پیش نظر اوپی ڈی بند کرنے کی کال دی ہے۔ ڈاکٹر شعیب نیازی نے کہا کہ پیر کو آئندہ لائحہ عمل کا اعلان کریں گے۔
یہ بھی پڑھیں:12 سالہ سٹوڈنٹ سے زیادتی،پولیس کا فوری ایکشن، 30 منٹ کے اندر ملزم گرفتار