وزیر اعلیٰ کا پنجاب میں ترقیاتی کاموں کی رفتار دو گنا کرنے کا فیصلہ

(24 نیوز)وزیراعلی مریم نواز شریف کا پنجاب میں ترقیاتی کاموں کی رفتار دوگنا کرنے کا فیصلہ،پنجاب کی سینئر وزیر مریم اورنگزیب کی زیرصدارت ترقیاتی منصوبوں کا جائزہ اجلاس ،صوبے کی تاریخ میں پہلی بار آئندہ مالی سال کے لیے تمام محکموں کو جون تک پی سی ون مکمل کرنے کا ٹاسک دے دیاگیا۔

اجلاس میں بتایا گیا کہ وزیراعلی پنجاب نے لاہور ڈیولپمنٹ کے لیے 40 ارب جاری کئے ، مکمل بجٹ جاری کرنے کی بھی ہدایت کی ہے ، اجلاس میں معیار کو یقینی بنانے کے لئے تھرڈ پارٹی ویری فیکیشن کے عمل کا بھی جائزہ لیا گیا، اجلاس کو بریفنگ میں بتایا گیا کہ 1250 بنیادی اور دیہی مراکز صحت کی پر اپ گریڈیشن مکمل کرلی گئی ہے،1200 ڈسپینسریوں کے قیام کی محکمہ صحت کے 432 منصوبے مکمل ، دوسرے مرحلے پر عمل درآمد کا آغاز ہوگیا ہے۔

مزید پڑھیں:مریم نواز کی کارکردگی سے پیپلز پارٹی پریشر محسوس کرتی ہے: عظمیٰ بخاری

 بریفنگ کے دوران بتایا گیا کہ وزیراعلی کے اپنی چھت اپنا گھر کے تحت چار ماہ میں 80 گھر مکمل ہوگئے، اپنی چھت اپنا گھر سکیم کے تحت ریکارڈ قرض دئیے گئے،کسان کارڈ کے ذریعے 50 ارب روپے استعمال ہوگئے، کسانوں نے ٹریکٹر زخریدے ہیں، کسانوں کے لئے ساڑھے 9ارب کی ٹیوب ویل اسکیم کے تحت ڈھائی ارب روپے خرچ ،مزید 6 ارب روپے فراہم کئے جائیں گے،مریم نوازشریف پہلی وزیراعلی ہیں جنہوں نے پنجاب میں زراعت کے ترقیاتی بجٹ میں 300 فیصدکاتاریخی اضافہ کیا،محکمہ آثار قدیمہ کی 5 سکیمیں مارچ میں مکمل ہوں گی جس پر سینئر وزیر مریم اورنگزیب نے بجٹ ڈیٹا فوری فراہم کرنے کی ہدایت کی۔

اسے بھی پڑھیں:پنجاب میں بیوروکریسی میں بڑے پیمانے پر تقرر و  تبادلے

اجلاس میں پنجاب کے ترقیاتی بجٹ کاتفصیلی جائزہ لیاگیا ، بریفنگ کے دوران بتایا گیا کہ  882 ارب بجٹ رکھاگیا جبکہ اضافہ کے ساتھ 1048 ارب مختص کیاگیا، 693 ارب روپے جاری ہوئے جبکہ 401 ارب روپے خرچ ہوچکے ہیں،547 ترقیاتی سکیموں پر کام جاری ہے، وزیراعلی کے 81 منصوبے، 815 عمومی منصوبے اور ضلعی سطح پر تین ہزار سات سکیموں پر عمل ہورہا ہے،وزیراعلیٰ کے منصوبوں پر کام کی پیش رفت کی مسلسل نگرانی جاری ہے، 347 منصوبوں کے معائنے مکمل ہوچکے ہیں۔

مریم اورنگزیب  نے اجلاس سے خطاب  کرتے ہوئے کہا کہ وزیراعلی پنجاب نے ایک سال میں بے مثال کام کیا ، محکموں کو بھی غیرمعمولی رفتار سے کام کرنا پڑے گا ، وزیراعلی نے سوئے ہوئے محکموں کو جگایا ، ہر شعبے میں تاریخی فنڈنگ ہوئی ۔

جائزہ اجلاس میں پلاننگ اینڈ ڈیولپمنٹ کے چئیرمین نبیل احمد اعوان سمیت تمام صوبائی سیکرٹریز نے بھی شرکت کی۔