عوام ٹیم سے توقعات رکھے،اچھے نتائج دینے کی کوشش کریں گے، محمد رضوان

(24 نیوز ) قومی ٹیم کے کپتان محمد رضوان نے کہا ہے کہ چیمپئنز  ٹرافی میں عوام کو ٹیم سے توقعات رکھنی چاہیئں، میگا ایونٹ میں  اچھے نتائج دینے کی کوشش کریں گے۔

کراچی میں پریس کانفرنس کرتے ہوئے محمد رضوان نے کہاکہ حارث رؤف 80فیصد فٹ ہے،حارث رؤف نے بولنگ بھی کی، جم بھی کررہا ہے وہ فٹ ہو چکا ہے، کوئی ایسی بات نہیں ہوئی کہ بابراعظم اوپن نہیں کرے گا۔  

 چیمپئنزٹرافی کی میزبانی ملناخوشی کی بات ہے،خوشی ہوتی ہے جب ٹیم کی مشترکہ کوشش سے میچ میں کامیاب ہو، پوری قوم کو اس ایونٹ کو انجوائے کرنا چاہئے،ان کاکہناتھا کہ ٹیم سے توقعات رکھنی چاہئیں،ہمارے پاس اچھے کھلاڑی ہیں ، جو کمی بیشی ہے وہ بھی دور ہو جائے گی۔

 مزید پڑھیں:محمد رضوان کے کراچی سے متعلق کہے گئے الفاظ سچ ثابت ہوگئے  

کپتان قومی ٹیم کاکہناتھا کہ حارث رؤف 80فیصد فٹ ہے،حارث رؤف نے بولنگ بھی کی، جم بھی کررہا ہے وہ فٹ ہو چکا ہے،ان کاکہناتھا کہ ٹیم کے 15کے 15کھلاڑی کپتان ہیں، میں صرف ٹاس یا پریس کانفرنس کیلئے آتا ہوں۔

ہم سینئرپلیئر ہیں ذمے داری زیادہ بنتی ہے،ہماری کارکردگی میں تسلسل نہیں،محمد رضوان نے کہاکہ کوئی ایسی بات نہیں ہوئی کہ بابراعظم اوپن نہیں کرے گا، کھلاڑی کے سیکھنے کا عمل جاری رہتا ہے،ہر کھلاڑی پرامید ہے اور خواہش رکھتا ہے کہ پاکستان کو ٹائٹل مل جائے،ہمیں نیوزی لینڈسے زیادہ اچھا کھیلنا ہوگا، ہم اپنی بہترین پرفارمنس دینے کی کوشش کررہے ہیں۔