سموگ اور فضائی آلودگی کا مستقل حل ،لاہور میں قدرتی جنگل اگانے کی مہم شروع

(24 نیوز)سموگ اورفضائی آلودگی کامستقل حل، وزیر اعلیٰ محترمہ مریم نواز شریف کے حکم پر لاہور میں 978 ایکڑ پر قدرتی جنگل اگانے کی مہم کا آغاز ،لاہور کو آکسیجن حب بنانے کے لیے  دریائے راوی کے کنارے قدرتی ایئر فلٹر بنانے پرکام شروع کر دیا گیا،لاہور کی فضا میں تازگی کے مشن  کیلئے 6 لاکھ 34 ہزار درخت لگانے کا ہدف مقرر  ۔

سینئر صوبائی وزیر  مریم اورنگزیب نے پریس کانفرنس کرتے ہوئے کہا کہ اہلِ لاہور کو آکسیجن کی فراہمی کے لیے 144 ایکڑ پر ایک لاکھ پانچ ہزار درخت لگائے جا چکے ، مزید کام جاری ہے ،سموگ کے خلاف پنجاب حکومت کی یہ تاریخی جنگ ہے  978 ایکڑ پر سبز دیوار کھڑی کی جائے گی،دھوئیں کے شہر کو آکسیجن حب میں بدلنا محترمہ مریم نواز شریف کا مشن ہے ، پنجاب حکومت کا گرین انقلاب جاری رہے گا ، ان شاء اللّٰہ !

مزید پڑھیں:وزیر اعلیٰ کا پنجاب میں ترقیاتی کاموں کی رفتار دو گنا کرنے کا فیصلہ

انہوں نے کہا کہ فضائی آلودگی اور شدید گرمی کے خاتمے کے لیے لاہور میں شجر کاری مہم ناگزیر ہے ،دریائے راوی کے کنارے 978 ایکڑ پر سبز بیلٹ شہریوں کو تازہ آکسیجن اور صاف فضا فراہم کرے گی ،لاہور کو سرسبز بنانا ، اور ماحولیاتی آلودگی سے پاک کرنا پاکستان مسلم لیگ نواز اور وزیر اعلیٰ محترمہ مریم نواز شریف کی اولین ترجیح ہے ،ہر شہری ایک درخت لگائے ! لاہور کو سموگ فری بنانے کے مشن میں سب کا کردار اہم ہے ، لاہور میں شجر کاری کا دائرہ مزید وسیع کریں گے -

مریم اورنگزیب نے مزید کہا کہ دریائے راوی کے کنارے وسیع گرین بیلٹ سے صاف ہوا کی فراہمی یقینی ہو سکے گی ،978 ایکڑ پر قدرتی جنگل لاہور کے مستقبل کے لیے سنگِ میل ثابت ہو گا ،درختوں کی دیوار کھڑی کر کے سموگ اور آلودگی کا قدرتی حل یقینی بنانے کا منصوبہ ہے - شہری ساتھ دیں !،"سبز لاہور کے لیے ہر فرد کو شجر کاری مہم میں حصہ لینا ہو گا -"؛