(24 نیوز)پاکستانی بیٹر فخر زمان چیمپئنز ٹرافی کے دوران بڑا ریکارڈ اپنے نام کر سکتے ہیں، فخر سابق آل راونڈر شاہد آفریدی کا ریکارڈ توڑنے کے قریب ہیں۔
چیمپئینز ٹرافی کا پہلا میچ کل نیشنل سٹیڈیم کراچی میں پاکستان اور نیوزی لینڈ کے درمیان کھیلا جائے گا، جس میں اوپنر فخر زمان کے پاس سابق کپتان و آل راؤنڈر شاہد آفریدی کا ریکارڈ اپنے نام کرنے کا بہترین موقع ہوگا۔
قومی ٹیم کے اوپنر نیوزی لیںڈ کیخلاف 19 اننگز میں 1053 رنز بنائے ہیں اور پانچویں نمبر پر موجود ہیں جبکہ شاہد آفریدی نے 35 اننگز میں 1078 رنز بنائے ہیں اور تیسرے نمبر پر موجود ہیں۔
اگر اوپننگ میچ میں فخر زمان کیویز کیخلاف 26 رنز بنانے میں کامیاب ہوگئے تو وہ بطور پاکستانی سب سے کم اننگز میں نیوزی لینڈ کیخلاف تیسرے سب سے زیادہ رنز بنانے والے پاکستانی بن جائیں گے۔
اس فہرست میں پہلا نمبر انضمام الحق کا ہے جنہوں نے 42 اننگز میں 1283 جبکہ دوسرے نمبر پر سعید انور ہیں انہوں نے 32 اننگز میں 1260 رنز بنائے ہیں۔
مزید پڑھیں: عوام ٹیم سے توقعات رکھے،اچھے نتائج دینے کی کوشش کریں گے، محمد رضوان