(طیب سیف)چیئرمین پی ٹی آئی بیرسٹر گوہر نے کہا ہے کہ آج بانی سے وکلاء کی ملاقات ہوئی ہے،ملاقات جعفر ایکسپریس سانحہ کے بعد پہلی ہے ،بانی نے اس سانحہ پر افسوس کا اظہار اور مذمت کی ہے، انہوں نے
دہشتگردی کی نئی لہر پر تحفظات کا اظہار کیا ہے ۔
بیرسٹر گوہر نے میڈیا ٹاک میں بتایا کہ بانی پی ٹی آئی نے کہا دہشتگردی کو ایک آواز سے دبانے کی ضرورت ہے، بانی نے پی ٹی آئی سیاسی کمیٹی کے فیصلہ کی تائید کی ہے، بانی نے کہا پی ٹی آئی چاروں صوبوں کی جماعت ہے،ستر فیصد عوام کی پارٹی ہے ۔ انہوں نے کہا کہ اگر حکومت سنجیدہ ہے کہ دہشتگردی کے خلاف صحیح قدم اٹھایا جائے تو خان صاحب کا باہر ہونا ضروری ہے چھ ماہ میں صرف دو مرتبہ بیٹوں سے بات،پارٹی ممبران سے دو مرتبہ ملاقات نہیں کروائی،ہم قوانین کے مطابق ملتے ہیں اس میں کوئی گیدرڑ سنگھی نہیں ہے،سیاسی قیادت سے ملاقات آج تک نہیں ہوئی،ہماری ملاقات الگ ہے ہم پارٹی لیڈر شپ کی ملاقات کی بات کر رہے ہیں۔
جنرل سیکرٹیری پی ٹی آئی سلمان اکرم راجہ نےمیڈیا ٹاک میں کہا کہ بانی نے کہا اہلیہ سمیت جیل میں رکھا ہوا ہے اسکی مثال نہیں ملتی،بانی نے کہا یہ فسطائیت ہے اسکے سامنے ہتھیار نہیں ڈالوں گا کھڑا رہوں گا ،
میں آئین قانون اور جمہوریت کے لئے کھڑا رہوں گا،ہم اس معاملہ کو عدالت میں اٹھائیں گے کہ سیاسی رفقاء کی ملاقات پانچ ماہ سے نہیں ہو سکی۔
بیرسٹر علی ظفر نے میڈیا ٹاک میں کہا کہ بانی نے کہا دہشتگردی کے خلاف جنگ لڑنی ہے اور اسے ختم کرنا ہے،اگر ملک کی بڑی جماعت کے لیڈر کو شامل نہیں کریں گے تو حل نہیں ڈھونڈا جا سکتا،عوام کے لیڈر کے بغیر یہ بریفنگ بے معنی یے،قوم کی ضرورت ہے کہ حل تلاش کریں ،عجیب وغریب بات ہے کہ ملک کے بڑے لیڈر سے ملنے بھی نہیں دیا جا رہا، یہ کس قسم کی بریفنگ ہو رہی ہے اسکو ہم نہیں مان سکتے۔
نیازاللہ نیازی نے کہا کہ بانی نے مقدمات،بچوں سے ٹیلی فونک ملاقات،کتابین فراہم نہ کرنا،اہلیہ سے ملاقات نہ کرانے پر تحفظات کا اظہار کیا ہے،بانی نے کہا جتنا مرضی ظلم کرلیں میں جھکنے والا نہیں، بانی نے کہا کوئی وکیل اپنی حیثیت میں پٹیشن دائر نہ کرے،جو پٹیشن دائر ہو گا اسکی اجازت خان صاحب دیں تو دائر ہو گی ،بانی نے کہا چاروں صوبوں کی جماعت کے نیشنل لیڈر کو باہرکیسے رکھ سکتے ہیں۔ انہوں نے مزید کہا کہ بانی اور ریاست پاکستان کا وجود لازم و ملزوم ہو چکا ہے،جمہوریت کی بقاء،پاکستان کی سالمیت کی بقاء بانی کو مائنس کرکے نہیں ہو سکتی
یہ بھی پڑھیں::عوام کہاں جائیں،1 لیٹر پیٹرول پر107روپے12پیسے ٹیکس،ڈیوٹیزاورمارجنز وصولی کاانکشاف