(24 نیوز) رمضان المبارک کے مہینہ میں لو گ خوف خدا سے بھرپور صدقہ و خیرات کرتے ہیں اور پیشہ ور گداگروں نے اس رحمدلی کا فائدہ اٹھاتے ہوئےاسلام آباد انٹرنیشنل ائیرپورٹ کا رخ کرلیا ہے اور لوگوں کو تنگ کرنا شروع کر دیاہے۔
تفصیلات کے مطابق وزیٹر کا بھیس بدل کر ائیرپورٹ میں داخل ہونے والے گداگروں نے بیرون ملک سے آنے والے مسافروں کو تنگ کرنا شروع کردیا۔اسلام آباد ائیرپورٹ کے پارکنگ ایریا اور انٹرنیشنل ارائیول لاؤنج کے سامنے خواتین گداگروں کی بڑی تعداد موجود رہتی ہے۔ جو مسافر وں اور انکو رخصت کرنے والی فیملی کیلئے وبال جان بن جاتے ہیں۔ اس حوالے سےائیر پورٹ انتظامیہ کے مطابق گداگروں کے خلاف روزانہ کی بنیادوں پر ویجلنس ٹیمیں آپریشن کررہی ہیں، ویجلنس ٹیم گداگروں کو پکڑ کر پولیس کے حوالے کردیتی ہے۔ائیرپورٹ منیجر کا کہنا ہے کہ ایک ہفتے میں 30 سے زائد گداگروں کے خلاف کارروائی کی گئی اور انہیں حوالہ پولیس کیا گیا۔
یہ بھی پڑھیں:عوام کہاں جائیں،1 لیٹر پیٹرول پر107روپے12پیسے ٹیکس،ڈیوٹیزاورمارجنز وصولی کاانکشاف