(روزینہ علی) محکمہ موسمیات نے ملک کے بیشتر علاقوں میں موسم خشک اور سرد رہنے کا امکان ظاہر کیا ہے۔
محکمہ موسمیات کے مطابق آج رات موسم کی صورتحال کے مطابق ملک کے بیشتر علاقوں میں موسم خشک اور سرد رہنے جبکہ پنجاب کے چند میدانی علاقوں میں سموگ چھائے رہنے کا امکان ہے ۔
منگل کے روز موسم کی صورتحال کے بارے میں موسم کا حال بتانے والوں کا کہنا ہے کہ اسلام آباد اور گردونواح میں موسم خشک جبکہ صبح اور رات کے اوقات میں سرد رہنے کا امکان ہے۔
یہ بھی پڑھیں: موسم کیسا رہے گا؟محکمہ موسمیات کی اہم پیشگوئی
خیبرپختونخوا کے بیشتر اضلاع میں موسم خشک جبکہ بالائی علاقوں میں صبح اور رات کے اوقات میں سرد رہنے کا امکان ہے جبکہ پنجاب کے بیشتر اضلاع میں موسم خشک رہنے تاہم لاہور، قصور،اوکاڑہ ، سیالکوٹ، حافظ آباد،ٹوبہ ٹیک سنگھ، جھنگ، نارووال ، شیخوپورہ،ساہیوال ، فیصل آباد، بہاولپور ،ملتان، خانیوال، خانپور، رحیم یار خان،ڈی جی خان اور گردونواح میں صبح اور رات کے اوقات میں سموگ/ دُھند چھائے رہنے کی توقع ہے۔
یہ بھی پڑھیں: راولپنڈی: کل سے تعلیمی ادارے کھولنے کا اعلان
بلوچستان کے بیشتر اضلاع میں موسم خشک جبکہ پہاڑی علاقوں میں رات کے اوقات میں سرد رہنے کا امکان ظاہر کیا گیا ہے جبکہ سندھ کے بیشتر اضلاع میں موسم خشک رہنے اور رات کے اوقات میں کشمور،سکھر، لاڑکانہ اور گردونواح میں دُھند پڑنے کی بھی توقع ہے۔
کشمیر اور گلگت بلتستان میں بھی موسم سرد اور خشک رہنے کا امکان ہے۔
آج ریکارڈکئے گئے کم سےکم درجہ حرارت لہہ منفی 07 ، استور،کالام، سکردو منفی 03 اور زیارت میں منفی 02ڈگری سینٹی گریڈ ریکارڈ کیا گیا۔
یہ بھی پڑھیں:سموگ ؛سکولز ، کمرشل مارکیٹیں اور پارکس سمیت تفریحی مقامات پر پابندیوں میں توسیع