(ویب ڈیسک)بھارتی گلوکار و ریپر ہنی سنگھ اور 25 سالہ مصری ماڈل کے درمیان قربت کی افواہیں زور پکڑنے لگیں۔
ان دنوں ہنی سنگھ کی ایک ویڈیو وائرل ہورہی ہے جس میں وہ 25 سالہ مصری ماڈل ایماء بکر کی سالگرہ مناتے دکھائی دے رہے ہیں اور ان کی ہم آہنگی دیکھ کر مداحوں نے اندازہ لگایا ہے کہ شاید دونوں ایک دوسرے کو ڈیٹ کر رہے ہیں۔
ہنی سنگھ نے انسٹاگرام پر ایک ویڈیو شیئر کی تھی جس میں وہ پرتعیش ریسٹورنٹ میں ایماء کے لیے سرپرائز برتھ ڈے پارٹی کا اہتمام کرتے نظر آئے۔
ویڈیو میں ماڈل ان کے بالکل ساتھ بیٹھی نظر آئیں اور جب ریسٹورنٹ کا عملہ سالگرہ کا گانا گاتا اور رقص کرتا ہے تو ایماء خوشگوار حیرت میں مبتلا ہو جاتی ہیں،اس موقع پر ہنی سنگھ نے ایماء کا ہاتھ تھامے رکھا، دونوں خوشگوار مزاج میں نظر آئے۔
ہنی سنگھ نے انسٹاگرام پر شیئر کی گئی ویڈیو کے کیپشن میں ایماء کو "کلیوپیٹرا"کہہ کر مخاطب کیا، جس کے بعد سوشل میڈیا پر افواہوں کا بازار گرم ہو گیا کہ شاید ہنی سنگھ کو ایک بار پھر محبت ہو گئی ہے۔
بھارتی میڈیا کے مطابق مصر سے تعلق رکھنے والی 25 سالہ ایما بکر ماڈل ہیں اور ہنی سنگھ کی کئی میوزک ویڈیوز میں نظر آ چکی ہیں۔
رپورٹس کے مطابق 2023 میں ایما کو ہنی سنگھ کے ساتھ دیکھا گیا تھا اور اب ان کی حالیہ ویڈیو نے دونوں کے درمیان تعلقات کی افواہوں کو مزید بڑھا دیا ہے۔
25 سالہ ماڈل انسٹاگرام پر کافی سرگرم ہیں جہاں ان کے ڈھائی لاکھ سے زائد فالوورز ہیں۔
یہ بھی پڑھیں:ارشد چائے والا پاکستانی ہے یا نہیں؟ثابت کرنے کیلئے عدالت سے مہلت مانگ لی
واضح رہے کہ ہنی سنگھ کی پہلی شادی شالینی تلوار سے ہوئی تھی، جو 2022 میں طلاق پر ختم ہوئی،اس کے بعد ہنی نے اداکارہ ٹینا تھادانی سے تعلق قائم کیا جو 2023 کے اوائل میں ختم ہو گیا،2024 میں ہنی سنگھ اداکارہ ہیرا سوہال کے ساتھ IIFA ایوارڈز میں ہاتھوں میں ہاتھ ڈالے نظر آئے، مگر ان کے تعلق کی کبھی باضابطہ تصدیق نہیں کی گئی۔