(ویب ڈیسک)اداکار اور رئیلٹی شو "تماشا" کے کنٹیسٹنٹ عمر عالم نے شادی کا اعلان کر دیا۔
اداکار نے حال ہی میں نجی ٹی وی کے کامیڈی شو میں بطور مہمان شرکت کی جس میں انہوں نے پڑھائی میں پیش آنے والی مشکلات، کیریئر کے آغاز ، جدو جہداور اداکار یاسر حسین سے قریبی تعلق اور نجی زندگی سے متعلق بھی بات کی۔
ایک سوال کے جواب میں عمر عالم نے کہا کہ میں ایک فلم اسٹار ہوں، مجھے فلم کرنی ہے، عدنان صدیقی نے اگر کوئی فلم آفر کی اور مجھے اسکرپٹ پسند نہ بھی ہوا تو میں یہ فلم سائن کر لوں گا کیونکہ میں انڈسٹری میں فلم ہی کرنے آیا ہوں۔
یہ بھی پڑھیں:کیااداکارعلی رحمٰن خان کو ہمسفر مل گئی ؟سوشل میڈیاپرافواہیں گرم
شادی سے متعلق پوچھے گئے ایک سوال کے جواب میں اداکار نے بتایا کہ میرا آئندہ سال شادی کا اراداہ ہے،ابھی نکاح نہیں ہوا مگر بات پکی ہو گئی ہے، شادی کس سے اور کیوں ہو رہی ہے یہ سب طے ہے، کہاں اور کب ہوگی یہ طے کرنا ابھی باقی ہے، میری ہونے والی اہلیہ کا تعلق شوبز سے نہیں ہے۔