برطانیہ نے میرا پر 10 برس کی پابندی کیوں لگائی؟بہن نے حقیقت بتادی
Stay tuned with 24 News HD Android App
(ویب ڈیسک)معروف اداکارہ میرا کی بہن شائستہ عباس نے اداکارہ پربرطانیہ کی جانب سے لگنے والی 10 برس کی پابندی کی وجہ بتادی۔
نجی ٹی وی کے نمائندے سے شائستہ عباس نے حال ہی میں لندن میں گفتگو کی اور میرا پر عائد 10 برس کی پابندی کے حوالے سے وضاحت دیتے ہوئے بتایاکہ جب میں 6 برس کی تھی اس وقت ہمارے والد کا انتقال ہو گیا تھا جس کے بعد گھر کی مکمل ذمہ داری میرا پر آ گئی تھی، میرا تمام بہن بھائیوں میں سب سے بڑی ہیں۔
شائستہ عباس نے بتایا کہ وہ برطانیہ میں وکیل ہیں، میرا نے تمام بہن بھائیوں کو اعلیٰ تعلیم دی، تمام اہلِ خانہ کو والد کے انتقال کے فوراً بعد ہی برطانیہ میں سیٹل کر دیا تھا، ہماری مکمل تعلیم لندن کی ہے۔
انہوں نے بتایا کہ میں کچھ وقت کے لیے پاکستان آئی تھی، وہاں بزنس کی تعلیم حاصل کی لیکن جلد لندن واپس آنے کے بعد میں نے وکالت کی تعلیم حاصل کی۔
شائستہ عباس نے بتایا کہ میرا نے ویزا درخواست فارم میں غلط انگریزی لکھ دی تھی، جس کی وجہ سے ان پر 10 برس کی پابندی لگی تھی، جو اب مکمل ہو چکی ہے،میرا کی غلطی بہت معمولی سی تھی لیکن برطانوی حکومت نے اسے بہت سنجیدگی سے لے لیا اور ان پر 10 برس کی پابندی لگا دی، یہ ان دنوں کی بات ہے جب ہمارے درمیان اختلافات چل رہے تھے۔
یہ بھی پڑھیں:بھارتی متنازع اداکارہ عرفی جاویددلہن بن گئیں
انہوں نے اپنے اور میرا کے درمیان اختلافات پرگفتگوکرتے ہوئے بتایا کہ میں لندن میں رہنا چاہتی تھی جبکہ میرا پاکستان میں رہنا چاہتی تھیں اور یہ بھی چاہتی تھیں کہ میں پاکستان واپس آ کر شوبز انڈسٹری جوائن کروں لیکن میں ایسا نہیں چاہتی تھی۔