سندھی فیچرفلم’’سندھو جی گونج‘‘جے پور فلم فیسٹیول میں پیش ہوگی

(ویب ڈیسک)پاکستان کی پہلی سندھی فیچر فلم ’’سندھو جی گونج‘‘ کا پریمیئر 21 جنوری کو جے پور فلم فیسٹیول میں ہو گا۔

راہول اعجاز کی ڈائریکشن میں بننے والی اس سندھی فلم کی کہانی دریائے سندھ اور اس کے گرد میں بسنے والے لوگوں کی زندگی پر مبنی ہے، یہ 1997 میں سینما گھروں میں آخری بار ریلیز ہونے والی سندھی فلم ’’ہمت‘‘ کے بعد پہلی سندھی فیچر فلم ہے۔

جے پور فلم فیسٹیول میں فلم"سندھوجی گونج" کے پریمیئر کو پاکستان فلم انڈسٹری کےلیے ایک تاریخی لمحہ قرار دیا جارہا ہے،

یہ فلم تین بین الاقوامی فلم اسٹوڈیوز کے اشتراک سے بنائی گئی ہے، جس میں پاکستان، جنوبی کوریا اور بنگلہ دیش کے پروڈکشن اسٹوڈیوز نے حصہ لیا۔ 

معروف اداکار شمعون عباسی اس فلم کے ایگزیکٹو پروڈیوسر ہیں۔

یہ بھی پڑھیں:سیف علی خان معذور ہوگئے؟ صحت سے متعلق اہم خبر سامنے آگئی

واضح رہے کہ مذکورہ فلم کا ورلڈ پریمیئر کراچی میں 16 جنوری 2025 کو سنی پیکس سینماز اوشین مال میں ہوچکا ہے، تاہم پاکستان کے دیگر سینما گھروں میں اس کی ریلیز کی تاریخ کا اعلان ابھی تک نہیں کیا گیا،فلمی شائقین پاکستانی سینما گھروں میں اس فلم کی نمائش کے منتظر ہیں۔