کرینہ کپوراورسیف علی خان کی اے آئی سے تیار کردہ تصویرسامنے آگئی

(ویب ڈیسک)معروف بالی ووڈ اداکارہ کرینہ کپوراورسیف علی خان کی آرٹیفیشل انٹیلیجنس کی مدد سے تیار کی گئی تصویر سامنے آگئی۔

بھارتی میڈیا کے مطابق یہ تصویر بالی ووڈ کے سینئراداکارشتروگن سنہا نے شیئر کی ہے۔

سینئراداکار نے سوشل میڈیا پریہ تصویرشیئر کرتے ہوئے سیف علی خان کے ساتھ پیش آئے واقعہ پر دکھ اور افسوس کا اظہار کیا،انہوں نے سیف علی خان کی جلد صحت یابی کے لیے دعا بھی کی۔

شتروگن سنہا نے اپنے پیغام میں اپیل کی کہ اس معاملے میں الزام تراشی سے گریز کیا جائے، پولیس اس کیس میں بہتر کام کر رہی ہے، کیس کو مزید الجھایا نہ جائے۔

یہ بھی پڑھیں:نورا فتیحی نے گلوکاری کے میدان میں بھی قدم رکھ دیا

خیال رہے کہ 16 جنوری کو ممبئی کے علاقے باندرہ میں واقع سیف علی خان کے گھر پر چوری کی کوشش کے دوران ان پر چاقو سے 6 بار حملہ کیا گیاتھا،حملے کے بعد سیف علی خان کو ممبئی کے لیلاوتی ہسپتال منتقل کیا گیا تھا جہاں ان کی کامیاب سرجری ہوئی اور اب وہ رو بصحت ہیں۔