صدر بن گیا تو ایک فون کال پر جنگیں ختم کروا دوں گا، ٹرمپ

(ویب ڈیسک)امریکا کے صدارتی امیدوار ڈونلڈ ٹرمپ نے روس یوکرین اور حماس اسرائیل کی جنگ کا تذکرہ کرتے ہوئے کہا کہ اگر وہ صدر بن گئے تو ایسی جنگیں صرف ایک ٹیلی فون کال پر ختم کرادیں گے۔

امریکی نشریاتی ادارے کے مطابق ڈونلڈ ٹرمپ نے حماس کے 7 اکتوبر کو اسرائیلی سرزمین میں گھس کر حملے کا ذکر کرتے ہوئے کہا کہ اگر وہ صدر ہوتے تو اسرائیل پر کبھی حملہ نہیں ہوتا۔جوبائیڈن انتظامیہ کو تنقید کا نشانہ بناتے ہوئے امریکی صدر نے کہا کہ دنیا ہم پر ہنس رہی ہے، موجودہ حکومت مسائل حل کرنے میں ناکام رہی ہے اور یہ الیکشن ملکی تاریخ میں اہم ترین ثابت ہوں گے۔
شمالی کوریا کے سربراہ کے حوالے سے ڈونلڈ ٹرمپ نے کہا کہ میں سمجھتا ہوں وہ میری کمی محسوس کر رہے ہوں گے، ٹرمپ نے میکسیکو کے ساتھ سرحدی دیوار مکمل کرنے کا عزم کا اظہار کرتے ہوئے ملک میں تارکین وطن کیلئے سخت پالیسی کا عندیہ دیا ہے۔

سابق امریکی صدر ڈونلڈ ٹرمپ نے خود پر قاتلانہ حملے کے دوران ہلاک ہونے والے شہری کے لواحقین کیلئے 63 لاکھ ڈالر جمع کرنے کا اعلان کیا۔ 

یہ بھی پڑھیں: بادلوں کی گھن گرج اور تیز ہواؤں کیساتھ بارش، محکمہ موسمیات نے نوید سنا دی