(ویب ڈیسک)سینئر اداکارہ بشریٰ انصاری نے کہا ہے کہ رمضان نشریات کی وجہ سے لوگ عبادتوں کو بھول گئے ہیں۔
بشریٰ انصاری نے اپنے نئے ڈیلی ویلاگ میں آج کل کی رمضان نشریات کے ٹرینڈ پر بات کرتے ہوئے کہا کہ پہلے لوگ روزہ رکھتے تھے اب فاقہ کرتے ہیں۔
اپنے گھر میں افطاری کی تیاری کرتے ہوئے انہوں نے کہاکہ پہلے لوگ روزہ رکھ کر عبادت کرتے تھے،قرآن پڑھتے تھے مگر اب روزہ رمضان نشریات دیکھ کر گزار دیتے ہیں، پہلے بھی رمضان ٹرانسمیشن ہوتی تھیں مگر ٹرینڈ نہیں تھا جو اب بن گیا ہے۔
بشریٰ انصاری نے کہاکہ پہلے کا دور اچھا تھا، اب وہ خود بھی کسی نہ کسی رمضان ٹرانسمیشن میں جاکر بیٹھ جاتی ہیں کہ لوگوں کا اس سے دل بہلتا ہے انہیں اچھا لگتا ہے۔
یہ بھی پڑھیں:120 کروڑ روپے سالانہ ٹیکس دینے والے امیتابھ نے اس سال کتنا پیسہ کمایا؟
سینئر اداکارہ نے مزید کہا کہ انہیں ایسا لگتا ہے کہ جب لوگ رمضان نشریات نہیں دیکھتے تھے تو زیادہ عبادت کر کے روزہ گزارتے تھے، تسبیحات پڑھتے تھے اور عبادت میں مشغول رہتے تھے، اب بغیر عبادت کے لوگوں نے روزہ نہیں فاقہ کرنا شروع کردیا ہے۔