گھرکے کام بیوی کے علاوہ شوہرکوبھی آنے چاہئیں:حریم فاروق
شادی اچھی گزارنے کے لیے ایک دوسرے میں صبر،عزت اور پیار ہونا چاہیے
Stay tuned with 24 News HD Android App
(ویب ڈیسک)معروف اداکارہ حریم فاروق نے کہا ہے کہ شادی کے لیے گھر کے کام کاج نہیں بلکہ صبراورپیارضروری ہے۔
نامور اداکارہ حریم فاروق نے حال ہی میں نجی ٹی وی کے مارننگ شو میں شرکت کی جہاں گفتگو کرتے ہوئے انہوں نے کہا کہ شادی کے لیے یہ معیار ہونا کہ عورت کو کھانا پکانا، برتن دھونا اور دیگر کام کاج آنے چاہیئں، یہ ٹھیک نہیں ہے۔
حریم فاروق نے کہا یہ کام آنے چاہئیں کیونکہ زندگی انسان نے گزارنی ہوتی ہے لیکن یہ سب کام صرف عورت کے بجائے سب کو آنے چاہئیں، شوہر کو بھی یہ کام کرنے چاہئیں۔
معروف اداکارہ نے کہا شادی اچھی گزارنے کے لیے اور مزید بہت چیزیں ہیں جو ضروری ہیں، شادی اچھی گزارنے کے لیے ایک دوسرے میں صبر ہونا چاہیے، ایک دوسرے کے لیے عزت اور پیار ہونا چاہیے، یہ ضرور سیکھیں کہ ایک دوسرے کے ساتھ پیار اور محبت سے کیسے رہنا ہے۔
یہ بھی پڑھیں:شہنشاہِ جذبات محمد علی: مداحوں سے بچھڑے 19 برس بیت گئے
حریم فاروق کا کہنا تھا کہ شادی کہنے میں تو بڑی مزے کی لگتی ہے کہ ایونٹس ہوتے ہیں، تیاریاں ہوتی ہیں، شغل لگتے ہیں لیکن کسی بھی رشتے کی طرح اس کو نبھانا بہت مشکل کام ہے جو آنا چاہیے، یہ ہمت اور صبر والا کام ہے۔