200 گرام ہیروئن برآمدگی پر 2 لاکھ روپے کی رشوت، ایس ایچ او معطل

(24نیوز)ایس ایچ او کورنگی انڈسٹریل ایریا خالد میمن کو منشیات فروش سے رشوت لینے پر معطل کر دیا گیا۔

تفصیلات کے مطابق کامبنگ آپریشن کے دوران پکڑے گئے منشیات فروش کو 200 گرام کے بدلے 2 لاکھ روپے لے کر چھوڑنے کے الزام میں ایس ایس پی کورنگی نے ایس ایچ او کورنگی انڈسٹریل ایریا کو معطل کر کے محکمہ جاتی کارروائی کا آغاز کر دیا۔

گزشتہ رات کورنگی انڈسٹریل ایریا میں کامبنگ آپریشن ہوا تھا، اس آپریشن میں رینجرز کی بھاری نفری بھی شریک تھی، جس میں ایس ایچ او نے منشیات فروش پکڑا تھا، اور ملزم سے 200 گرام ہیروئن برآمد ہوئی تھی۔
پولیس حکام کا کہنا ہے کہ ایس ایچ او نے 200 گرام ہیروئن برآمدگی پر ملزم سے 2 لاکھ روپے رشوت لی، جس پر ایس ایس پی کورنگی طارق نواز نے ایکشن لیا، ایس ایچ او کو شوکاز نوٹس دے کر محکمہ جاتی کارروائی کی جائے گی۔

یہ بھی پڑھیں:سونا پھر مہنگا؛ فی تولہ قیمت ملکی تاریخ کی بلند ترین سطح پر پہنچ گئی