آصف زرداری سے بلوچستان کی پارلیمانی پارٹیوں کے ارکان کی ملاقات ,صوبے کے مسائل پر گفتگو 

(عیسیٰ ترین)صدر مملکت آصف علی زرداری سے بلوچستان کی پارلیمانی پارٹیوں کے اراکین نے ملاقات  کی،ملاقات میں پیپلزپارٹی کے چیئرمین بلاول بھٹو زرداری نے خصوصی شرکت  کی،بلوچستان اسمبلی میں اپوزیشن لیڈر اور سیاسی جماعتوں کے پارلیمانی لیڈرز نے صوبے کو درپیش مسائل،  عوامی بہبود پر مختلف تجاویز پیش کیں۔

صدر آصف زرداری نے کہاکہ بلوچستان کے لوگوں سے دلی لگاؤ اور دیرینہ تعلقات ہیں،بلوچستان کی ترقی اور عوام کی بہبود ہمیشہ اولین ترجیح رہی ہے،  اٹھارویں آئینی ترمیم کے ذریعے بلوچستان سمیت صوبوں کو خود مختاری دی،انہوں نے کہاکہ بحیثیت پاکستانی ہم نے قومی یکجہتی سے وطن عزیز کو آگے لیکر جانا ہے،  ہم سب کو ان کا حق دینا چاہتے ہیں حقوق چھیننا نہیں چاہتے ،صوبے کے حقوق دیکر ہی لوگوں کا دل جیتیں گے،بلوچستان کے لئے عوامی فلاح و بہبود کے اقدامات کو بار آور بنایا جائے گا۔

یہ بھی پڑھیں: نیوزی لینڈ کیخلاف ون ڈے سیریز، قومی بلے باز کی ٹیم میں واپسی، اہم بیان داغ دیا

صدر مملکت نے کہاکہ بلوچستان اور عوامی بہبود کیلئے ایسے اقدامات کریں گے جس سے بلوچستان کی تاریخ میں سنہرے الفاظ میں یاد رکھا جائے، عید کے بعد بلوچستان میں کیمپ لگاؤں گا ، تفصیل سے ہر کسی کو سنوں گا۔

بلوچستان اسمبلی میں اپوزیشن لیڈر میر یونس عزیز زہری نے وزیر اعلیٰ بلوچستان میر سرفراز بگٹی کے اقدامات کی تعریف کی اور مکمل تعاون کی یقین دہانی کرائی،ملاقات میں قائم مقام گورنر بلوچستان کیپٹن ریٹائرڈ عبدالخالق اچکزئی، وزیر اعلیٰ بلوچستان میر سرفراز بگٹی بھی موجود تھے۔

نیشنل پارٹی کے سربراہ ڈاکٹر عبدالمالک بلوچ،  پاکستان مسلم لیگ کے پارلیمانی لیڈر میر سلیم خان کھوسہ، عوامی نیشنل پارٹی کے پارلیمانی لیڈر انجنئیر زمرک خان اچکزئی اور جماعت اسلامی کے رکن میر عبدالمجید بادینی  نے بھی شرکت  کی،بلوچستان کابینہ کے ارکان،  صوبائی وزراء، پارلیمانی سیکرٹریز اور ایم پی ایز بھی ملاقات میں شریک ہوئے۔

یہ بھی پڑھیں:وفاقی ملازمین عید پر کتنی چھٹیوں سے لطف اندوز ہونگے؟موجیں لگ گئیں