علیزے سلطان کی کرن اشفاق کی ننھی پری سے پہلی ملاقات، تصاویر وائرل
Stay tuned with 24 News HD Android App
(ویب ڈیسک) پاکستانی اداکارہ و ماڈل کرن اشفاق کی اپنی ننھی پری خدیجہ کے ہمراہ سہیلی و سوشل میڈیا انفلوئنسر علیزہ سلطان کے ساتھ پہلی ملاقات سب کی توجہ کا مرکز بن گئی۔
کہتے ہیں ایک سا زخم کھائے ہوئے لوگ ایک دوسرے کے دل کی بات زیادہ اچھے سے سمجھ پاتے ہیں اور قریبی دوست بھی بآسانی بن جاتے ہیں، ایسا ہی کچھ پاکستا نی دو مشہور اداکاروں کی سابقہ اہلیہ کے درمیان گہری دوستی کی وجہ سمجھی جاتی ہیں۔
یہی بات عمران اشرف کی سابقہ اہلیہ کرن اشفاق اور فیروز خان کی سابقہ اہلیہ علیزہ سلطان کی دوستی کے بارے میں سمجھی جاتی ہے کہ دونوں نے ایک سی چوٹ کھائی اس لیے ایک دوسرے کے قریب آگئیں۔
کرن اشفاق نے سال 2018 میں پاکستان کے معروف اداکار و ٹی وی شو ہوسٹ عمران اشرف سے محبت کی شادی کی تھی جن سے ان کے ایک بیٹے روحام کی پیدائش ہوئی۔
دونوں نے نومبر 2020 میں راہیں جدا کرلیں جس کے بعد دسمبر 2023 میں کرن اشفاق نے سیاسی رہنما حمزہ علی سے دوسری شادی کرلی جن سے انکی رواں سال ایک بیٹی پیدا ہوئی۔
اسی بیٹی کی پہلی ملاقات علیزہ سلطان سے کرواتے ہوئے کرن اشفاق کی تصاویر اور ویڈیوز سوشل میڈیا پر زیرِگردش ہیں۔
یہ بھی پڑھیں : ’بارڈر لیس ورلڈ‘ گلوکار عاطف اسلم نے میوزک کے عالمی پراجیکٹ پر کام کا آغاز کردیا
وائرل تصاویر اور ویڈیوز میں کہیں علیزہ، کرن کو گلے لگاتی نظر آ رہی ہیں تو کہیں انکی بیٹی خدیجہ کو گود میں اٹھا کر خوش ہوتی دکھ رہی ہیں۔
کرن اشفاق اپنی بیٹی کو پہلی مرتبہ سہیلیوں سے ملوانے کیلئے ایک ریسٹورنٹ پر منعقدہ لنچ پر پہنچیں جسکا اہتمام انکی سہیلوں نے ہی کیا تھا۔