شاہ رخ خان کا گھر"منت"  تزئین و آرائش کے مراحل میں 

(ویب ڈیسک)بالی ووڈکے کنگ شاہ رخ خان اور گوری خان کا گھر"منت"  تزئین و آرائش کے مراحل میں ہے۔

شاہ رخ خان کامشہور ممبئی والا بنگلہ "منت" ان دنوں تزئین و آرائش کے مراحل سے گزر رہا ہے،اس دوران شاہ رخ خان، گوری خان اور ان کے تینوں بچے سہانا، آریان اور ابرام عارضی طور پر پالی ہل کھار کے پوش علاقے میں 2 ڈپلیکس اپارٹمنٹس میں منتقل ہوئے ہیں جو اگرچہ منت کے 27،000 اسکوائر فٹ کے مقابلے میں چھوٹا ہے لیکن یہ بھی مکمل طور پر پرتعیش ہے،اس نئے گھر کا کرایہ 24.15 لاکھ ماہانہ ہے۔

حال ہی میں ایک ویڈیو وائرل ہوئی ہے جس میں دیکھا جا سکتا ہے کہ منت کی بالائی منزل پر تعمیراتی کام جاری ہے،ویڈیو میں مزدور رسیوں کے ساتھ کام کرتے اور سیٹنگز تیار کرتے نظر آ رہے ہیں۔

یہ بھی پڑھیں:بالی ووڈاداکارہ وانی کپورنے فوادخان کوپسندیدہ اداکار قرار دیدیا

بھارتی میڈیا کے مطابق گھر بالکل خالی دکھائی دے رہا ہے لیکن لگتا ہے کہ کچھ بڑا منصوبہ بنایا جا رہا ہے۔

اطلاعات کے مطابق منت کی 2 سالہ تزئین و آرائش میں اس کی توسیع بھی شامل ہے، جس کے تحت 2 مزید منزلیں بنائی جائیں گی۔