ایلون مسک نے سیاست میں آنے کا عندیہ دے دیا

(ویب ڈیسک) ٹیکنالوجی ارب پتی اور ٹیسلا کے مالک ایلون مسک نے سیاست میں آنے کا عندیہ دے دیا۔

امریکی صدارتی امیدوار ڈونلڈٹرمپ کے بیان پر ردعمل دیتے ہوئے ایلون مسک نے کہا کہ میں خدمت کرنے کے لئے تیار ہوں، ٹویٹر پیغام میں ایلون مسک نے اے آئی سے تیار کردہ اپنی ایک تصویر بھی جاری کی ہے جس میں وہ "محکمہ حکومتی کارکردگی" کی تختی کے ساتھ پوڈیم پر کھڑے ہیں۔

I am willing to serve pic.twitter.com/BJhGbcA2e0

— Elon Musk (@elonmusk) August 20, 2024

خیال رہے کہ امریکی صدارتی امیدوار ڈونلڈٹرمپ نے حال ہی میں ایک انٹرویو میں  کہا تھا کہ اگر وہ صدارتی انتخابات جیت جاتے ہیں تو وہ ایلون مسک کو اپنی کابینہ میں شامل کرنے پر غور کریں گے۔

ایلون مسک کو اپنی کابینہ میں شامل کرنے کے حوالے سے جب سابق صدر سے پوچھا گیا تو انہوں نے جواب دیا کہ وہ ایک بہت ذہین آدمی ہیں، میں یقینی طور پر کروں گا، وہ ایک شاندار آدمی ہیں۔

یہ بھی پڑھیں:اسلام آباد: بلدیاتی انتخابات کی تاریخ میں توسیع

واضح رہے کہ ٹرمپ اور ایلون مسک کے درمیان حال ہی میں انٹرویوز  میں تفصیل سے بات ہو چکی ہے , مزید یہ کہ ٹیسلا کے مالک ایلون مسک کی ٹرمپ کے لئے یہ حمایت ان کے الیکٹرک گاڑیوں کی خریداری کے لیے 7,500 ڈالر کے ٹیکس کریڈٹ پر تنقید کے بعد سامنے آئی ہے۔