محمد سراج اور آشا بھوسلے کی پوتی میں تعلقات،دونوں نے وضاحت کر دی

(ویب ڈیسک)بھارت کی کرکٹ ٹیم کے فاسٹ بولر محمد سراج  آئی سی سی چمپیئنز ٹرافی کیلئے ٹیم میں جگہ نہ بناسکے، لیکن اس دوران ان کے مشہور گلوکارہ کی پوتی سے تعلقات کی افواہیں گردش کر رہی ہیں تاہم دونوں نے سوشل میڈیا پر وضاحت بھی کر دی ہے۔

بھارت کے ذرائع ابلاغ کی رپورٹ کے مطابق افواہیں گردش کر رہی ہیں کہ مشہور گلوکارہ آشا بھوسلے کی پوتی زینی بھوسلے اور محمد سراج کے تعلقات ہیں اور وہ چند ایک مقامات پر ایک ساتھ نظر بھی آئے ہیں۔رپورٹ میں بتایا گیا کہ زینی بھوسلے اور محمد سراج کو ایک ساتھ گاتے ہوئے بھی دیکھا گیا اور دونوں نے مذکورہ ویڈیو سوشل میڈیا پر بھی جاری کردی ہے، دونوں زینی کے نئے البم کے ایک گانے کو مل کر گا رہے ہیں۔ان افواہوں کو اس وقت مزید تقویت ملی جب انسٹاگرام پر زینی نے ویڈیو کے ساتھ لکھا کہ اس شخصیت کے لئے جو ہم میں سے اکثر لوگوں کو اپنے خوابوں کی پیروی کرنے کا سبب بنا، آپ بہترین ہیں۔

محمد سراج اس دوران عمرے کی ادائیگی کے لئے سعودی عرب میں موجود ہیں اور انسٹاگرام پر خانہ کعبہ سے اپنی تصویر جاری کی اور اللہ کا شکر ادا کیا، اس پر زینی بھوسلے نے دل کے ایموجی بھیجے، جس پر میڈیا میں بھی بڑھا چڑھا کر کہا گیا کہ دل کے تین ایموجیز بھیجے ہیں۔زینی اور سراج کے تعلقات میں ہونے کی افواہوں کے دوران ہی وضاحت سامنے آگئی اور دونوں نے مزید مشکل سے بچنے کے لیے ایک دوسرے کے لیے جذبات کے اظہار کی وجوہات بھی بتائیں۔زینی بھوسلے نے انسٹاگرام اسٹوری پر سراج کو مینشن کرکے رومن میں لکھا ‘میرے پیارے بھائی’، جس پر فاسٹ بولر نے بھی انہیں ‘بہنا’ کہہ کر پکارا۔

یہ بھی پڑھیں:بابر ماڈرن دور میں 80 کی کرکٹ کھیل رہے ہیں:محمد کیف