ڈالر کے مقابلے میں روپے کی قدر میں معمولی بہتری

(اشرف خان)انٹربینک اور اوپن مارکیٹ میں ڈالر کے مقابلے میں روپے کی قدر میں بہتری  ریکارڈ کی گئی ہے۔

سٹیٹ بینک آف پاکستان کے مطابق انٹر بینک میں کاروبارکے اختتام پر امریکی ڈالر  ایک پیسے کی معمولی کمی ہوئی ہے،انٹر بینک میں ڈالر 279.47  روپے سے کم ہوکر  279.46 روپے پر  بند ہوا ۔

دوسری جانب اوپن مارکیٹ میں امریکی ڈالر 4 پیسے کمی سے 281.08 روپے ،یورو 17 پیسے کمی سے 293.50  روپے ،اوپن مارکیٹ میں برطانوی پاؤنڈ 18 پیسے سستاہوکر 354.20 روپے کا ہوگیا۔

جبکہ یو اے ای درہم 2 پیسے اضافے سے 76.60 روپے ، سعودی ریال 2 پیسے بڑھ کر 74.85 روپے پر پہنچ گیا۔

یہ بھی پڑھیں:سونا پھر مہنگا،قیمت ملکی تاریخ کی بلند ترین سطح پر پہنچ گئی