(24 نیوز)وزیراعلیٰ کے پی علی امین گنڈا پور نے طلبا کو مفت لیپ ٹاپ دینے کا اعلان کیا ہے۔
تفصیلات کے مطابق وزیراعلیٰ خیبرپختونخوا علی امین گنڈاپور نے ایک بیان میں کہا ہے کہ پنجاب کے جتنے فیصد طلبہ کو لیپ ٹاپ دیے جا رہے ہیں ہم بھی اتنے فیصد طلبہ کو مفت لیپ ٹاپ دینگے۔
علی امین گنڈا پور نے کہا کہ وزیراعلیٰ پنجاب، خیبرپختونخوا حکومت کے طرز پر اپنے شہریوں کو مفت صحت کارڈ دے، ہم نے اپنی پوری آبادی کو صحت کارڈ پلس دیا اور اب لائف انشورنس کی سہولت دے رہے ہیں۔
وزیراعلیٰ کا کہنا تھا کہ مشکل حالات کے باوجود آمدن میں 55 فیصد اضافہ کیا گیا، پنجاب بھی اپنی آمدن 12 فیصد سے 55 فیصد تک بڑھائے، خیبر پختونخوا حکومت کے پاس خزانے میں 176 ارب روپے کا سرپلس پڑا ہے۔
علی امین گنڈا پور کے مطابق پنجاب کو آئی ایم ایف کی طرف سے 300 ارب روپے سرپلس کا ہدف دیا گیا تھا، پنجاب حکومت نے 146 ارب روپے کا خسارہ کیا۔
وزیر اعلیٰ کے پی نے مزید کہا کہ 4 ہزار مستحق بچیوں کی شادیاں کرا رہے ہیں اور ہر بچی کو 2 لاکھ روپے دے رہے ہیں، میں چیلنج کرتا ہوں پنجاب کی کارکردگی ہماری ایک فیصد کارکردگی کے برابر بھی نہیں، میں مناظرے کے لئے تیار ہوں۔
یہ بھی پڑھیں: انگلینڈ نے آسٹریلیا کیخلاف پلیئنگ الیون کا اعلان کردیا