رمضان المبارک کی آمد ، مرغی کے گوشت کی قیمت 850 روپے کلو تک پہنچ گئی

(24 نیوز)رمضان کی آمد سے قبل ہی چکن کی قیمت کو پر لگ گئے، فی کلو گوشت 850 روپے تک جا پہنچا ہے۔

تفصیلات کے مطابق راولپنڈی اور اسلام آباد میں رمضان المبارک کی آمد سے قبل منافع خور متحرک ہوگئے۔چودہ ہزار روپے من فروخت کی جانے والی مرغی سترہ ہزار روپے من تک پہنچ گئی۔

زندہ برائلر مرغی کی قیمت چار سو ساٹھ روپے کلو تک پہنچ گئی جبکہ چکن کا گوشت بھی عوام کی پہنچ سے دور ساڑھے800 روپے کلو تک پہنچ گیا۔

یاد رہے کراچی میں بھی چکن کے گوشت کی اچانک قیمتیں بڑھنے سے شہری پریشان ہے، شہر میں 620 روپے ملنے والی چکن کے گوشت کی قیمت اب 750 روپے تک جا پہنچی ہے۔

شہریوں کا کہنا تھا کہ رمضان المبارک میں یہ منافع خور مزید سرگرم ہوجائیں گے۔

یہ بھی پڑھیں: شوہر سے پندرہ لاکھ نکلوانے کیلئے خاتون کا بیٹے کے اغوا کا ڈرامہ