ذیابطیس ٹائپ2 لڑنے والے اداکار فواد خان کا مداحوں کو مشورہ 

(24نیوز) کم عمری سے ہی ذیابطیس ٹائپ 2 کے شکار لالی ووڈ اداکار نے اپنے مداحوں کو چینی سے پرہیز کرنے کا مشورہ دیا ہے۔

 معروف اداکار فواد خان نے مداحوں کو چینی استعمال نہ کرنے کا مشورہ دیتے ہوئے کہا ہےمیں کم عمری سے ہی شوگر کا مریض رہا ہوں، میں نے اپنی شوگر اور روٹین کو متوازن رکھنے کے لیے بہت محنت کی ہے،اداکار آج کل اپنے آنے والے نئے پروجیکٹ ’برزخ‘ کی تشہیر میں مصروف ہیں اور متعدد پلیٹ فارمز پر انٹرویوز دے رہے ہیں،گزشتہ روز انہوں نے یوٹیوب پر ایک انٹرویو کے دوران جہاں اپنی فلم ’برزخ‘، شادی، نجی زندگی، عادتوں اور پیشہ ورانہ زندگی سے متعلق بات کی وہیں اُنہیں اپنی صحت پر بات کرتے ہوئے دیکھا گیا، اداکار کا ایک سوال کے جواب میں کہنا تھا کہ پاکستان میں شوگر کی شرح دن بدن بڑھتی جا رہی ہے اور لوگوں کو علم ہی نہیں ہے کہ شوگر بڑھنے اور کم ہونے پر کیا کرنا ہے،4 سال 8 سال کے بچوں میں ڈائیبٹیز کی تشخیص ہو رہی ہے جو کہ ایک تشویش ناک صوتحال ہے، انٹرویو کے دوران کیمرے کی جانب دیکھتے ہوئےفواد خان نے کہا کہ یہ جو آپ شوگر کھا رہے ہیں یہ ضرورت نہیں ایک خواہش ہے، اسے چھوڑا بھی جا سکتا ہے، شوگر آپ کے دماغ کے ساتھ کھیلتی ہے اور آپ کو بیمار کرتی ہے۔

فلم و ٹی وی اداکار نے مزید کہا کہ چینی بہت سوچ سمجھ کر استعمال کریں، یہ آپ کا اپنا فیصلہ ہے کہ آپ نے کتنا میٹھا کھانا ہے اور کتنا نہیں۔

انہوں نے مزید کہا کہ چینی دیگر ممنوعہ منشیات کی طرح آپ کے جسم کو نقصان پہنچاتی ہے، چینی آپ کی سب سے بڑی دشمن ہے، یہ میں نے اپنے اور دیگر لوگوں کے تجربے سے سیکھا ہے۔

یہ بھی پڑھیں: اچھی طالبہ تھیں، وکیل بننا چاہتی تھی، کرینہ کپور کا انکشاف