(عرفان ملک)راولپنڈی اور اسلام آباد بڑی تباہی سے بچ گئے،سی ٹی ڈی نے راولپنڈی مغل مارکیٹ کے قریب کارروائی کرتے ہوئے تھانہ آئی نائن پر حملے میں ملوث فتنہ الخوارج کے 2انتہائی خطرناک دہشتگرد حمزہ اور رومان گرفتار کر لئے۔
ترجمان سی ٹی ڈی کا کہنا ہے کہ دہشت گردوں کی گرفتاری کیلئے انٹیلی جنس بیسڈ کارروائی کی ، دہشتگرد راولپنڈی اور اسلام آباد میں حساس مقامات پر دہشت گردی کیلئے ریکی مکمل کر چکے تھے ، دہشت گرد افغانستان میں فتنہ الخوارج کے اہم کمانڈر کے ساتھ رابطے میں تھے ،دہشت گردوں سے دستی بم،بھاری مقدار میں بارودی مواد ڈیٹونیٹر سیفٹی فیوز وائر اور دیگر سامان برآمد ہوا ہے۔
ترجمان کا مزید کہناتھا کہ سی ٹی ڈی نے دہشت گردوں کے خلاف مقدمہ درج کر کے مزید تفتیش شروع کر دی ہے ، دہشت گردوں نے ابتدائی تفتیش میں بتایا ہے کہ چند ماہ قبل تھانہ آئی نائن پر ہینڈ گرنیڈ سے حملہ بھی انہوں نے کیا تھا ۔
یہ بھی پڑھیں:سرکاری ملازمین کے وارے نیارے، حکومت کا عید سے قبل بونس دینے کا اعلان