پاکستان نے تین مہینوں میں 1 لاکھ 51 ہزار سے زائد ہُنرمندوں کو خلیجی ممالک بھیجا
Stay tuned with 24 News HD Android App
(24 نیوز)پاکستان نے رواں برس پہلے تین مہینوں میں 1 لاکھ 51 ہزار سے زائد ہُنرمند مزدوروں کو خلیجی ممالک بھیجا ہے، اور ان میں سب سے زیادہ تعداد سعودی عرب جانے والوں کی ہے۔
پاکستان کے سرکاری خبر رساں ادارے اے پی پی نے پیر کو ایک رپورٹ کا حوالہ دیتے ہوئے بتایا کہ سب سے زیادہ 121,970 پاکستانی سعودی عرب گئے، جبکہ 6،891 افراد متحدہ عرب امارات، 8,331 عمان، 12,989 قطر اور 939 بحرین گئے۔
وزارت سمندر پار پاکستانیوں اور انسانی وسائل کی ترقی سے منسلک محکمے بیورو آف امیگریشن اینڈ اوورسیز ایمپلائمنٹ، نے رواں برس کے پہلے تین مہینوں میں تقریباً 172,144 پاکستانی کارکنوں کو مختلف ممالک میں بھیجا۔
رپورٹ میں بتایا گیا کہ بیرون ملک جانے والے پاکستانی ورکروں میں سے 38,274 ڈرائیور، 3,474 ٹیکنیشن، 2,130 الیکٹریشن، 1,859 راج مستری، 1,689 باورچی، 1,479 انجینیئرز، 1,058 ویلڈر، 849 ڈاکٹرز، 436 اساتذہ اور 390 نرسز شامل ہیں۔
1454 ورکرز برطانیہ، 870 ترکی، 815 یونان، 775 ملائیشیا، 592 چین، 350 آذربائیجان، 264 جرمنی، 257 امریکا، 109 اٹلی اور 108 جاپان گئے
عرب نیوز کے مطابق پاکستانیوں کی ایک قابل ذکر تعداد بہتر معیار زندگی کے لیے بیرون ملک روزگار کے مواقع کی تلاش میں ہے کیونکہ ملک کو معاشی چیلنجز کا سامنا ہے۔
سعودی عرب، متحدہ عرب امارات (یو اے ای) اور دیگر خلیجی ممالک پاکستان کے ہنرمند اور غیرہنر مند مزدوروں، جن کی ترسیلات زر اس ملک کے لیے بہت ضروری ہیں، کے لیے اہم مقامات ہیں۔
یہ بھی پڑھیں : ریلوے کے ڈویژنل سپرنٹنڈنٹ لاہور، کراچی اور ڈی جی پی آر کو تبدیل کر دیا گیا