حج مشن مکمل، عمرہ زائرین کو ویزےکا اجرا شروع
کیپشن: عمرہ زائرین، فائل فوٹو
Stay tuned with 24 News HD Android App
(ویب ڈیسک)سعودی وزارت حج وعمرہ نے بعد از حج سیزن کیلئے عمرہ ویزے جاری کرنا شروع کر دیئے۔
سعودی میڈیا رپورٹس کےمطابق عمرہ ویزوں کا اجراء بدھ کو مناسکِ حج کے اختتام کے بعد کیا گیا،سعودی وزارت حج وعمرہ نےعازمینِ حج کی آسانی کیلئے 23 مئی سے ایک ماہ کیلئے نسک ایپ کے ذریعےعمرہ پرمٹ جاری کرنا بند کردیئے تھے۔اس عرصے کےدوران تمام قسم کے وزٹ ویزا ہولڈرز کے مکہ مکرمہ میں داخلے پر پابندی عائد کردی گئی تھی۔
سعودی وزارت نے اپنے بیان میں کہا ہےکہ عمرہ ویزے کے اجراء کی بحالی سے عمرہ زائرین کی آمد کو ہموار کیا جائے گا۔وزارت زیادہ سے زیادہ زائرین کو ایڈجسٹ کرنے اور ان کی ضروریات اور امنگوں کو پورا کرنے کیلئے کام کر رہی ہے۔
یہ بھی پڑھیں: سرکاری سکولوں میں زیرِ تعلیم بچوں کیلئے بڑی خوشخبری